Быйыл сайын нуорманы таһынан куйаас буолуо

Саха сиригэр сайын нуорманы таһынан куйаас буолуо. Арассыыйа метеорологтара кураан сайыҥҥа бэлэмнэнэргэ сүбэлииллэр.

«Гидрометеосулууспа сылыктыырынан, бэс ыйыттан атырдьах ыйыгар диэри нуорманы таһынан итии буоларынан, ойуур баһаардара турар куттала бэһис кылааһа үрдүк буолара сабаҕаланар», — диэн Саха сиринээҕи УГМС исписэлиистэрэ Ил Тумэҥҥэ ыытыллыбыт бырабыыталыстыба чааһыгар иһитиннэрдилэр.

Кинилэр ыыппыт чинчийиилэринэн, кэнники биэс сылга сайын кэмин устата 70-101 хонукка диэри уһаан биэрбит, соҕуруу улуустарынан 50-86 хонукка диэри уһаан, кутталлаах көстүүлэр тахсаллара бигэргэнэр, оттон хоту улуустарынан ордук куйаас уонна кураан буолара күүтүллэр. Итини сэргэ 2001 сылтан тоҥоруу лаппа аҕыйаабыта бэлиэтэнэр.

Оттон Арассыыйатааҕы Гидрометеокиин исписэлиистэрэ сайын температура нуорманы таһынан 7 кыраадыс үрдүк буоларын сылыктыыллар, бу туһунан ТАСС суруйар.