Быйыл сайын социальнай хантараагынан оҕолору үлэҕэ ылыахтара

Саха сиригэр социальнай хантараак чэрчитинэн сайыҥҥы кэмҥэ оҕолору үлэҕэ ылыы бырагыраамата үлэлиэҕэ. 

— Ил Дархан Айсен Николаев сорудаҕынан оҕолору дьарыктаах оҥорор «Мин бастакы хамнаһым»  анал бырагыраама оҥоһулла сылдьар. Бу докумуон чэрчитинэн сокуоннай саастарын ситэ илик оҕолорго социальнай хантараагынан үлэлииллэригэр хамнас төлөнүөҕэ.  Бастаан «пилотнай» дэнэр  оройуоннарга үлэ бу көрүҥэ ыытыллыаҕа. Бырагыраама сыыйа өрөспүүбүлүкэҕэ барытыгар тарҕаныаҕа, — диэн бэлиэтээтэ СӨ үлэҕэ уонна социальнай  сайдыыга миниистирин солбуйааччы Альбина Трубина.

Бырагыраама 2024 сыл бэс ыйын 1 күнүттэн үлэлиэҕэ.