2025 сылга социальнай өйөбүллэр төлөбүрүн кээмэйдэрэ төһө буоларый?

2025 сылга оҕолорго социальнай өйөбүл Саха сиринээҕи төлөбүр кээмэйэ индексацияны учуоттаан төһө буоларын туһунан СӨ Үлэҕэ уонна социальнай сайдыыга министиэристибэтигэр иһитиннэрдилэр.

Бастакы оҕо төрөөтөҕүнэ төлөбүр кээмэйэ: бастакы зонаҕа — 60780 солк.,иккис зонаҕа — 50910 солк. 2022-2027 сылларга төрөөбүт хас биирдии оҕоҕо «Үйэ оҕото» тус сыаллаах хапытаал кээмэйэ — 116756 солкуобай.

0-17 сааһыгар диэри саастаах оҕолорго биир кэлим босуобуйа кээмэйэ: бастакы зонаҕа — 15195 солк. (50%), 22792,5 солк. (75%), 30390 солк. (100%), иккис зонаҕа — 12727,5 солк. (50%), 19091,25 солк. (75%), 25455 солкуобай (100%).

Үһүс уонна кэнники оҕолорго ыйдааҕы босуобуйа кээмэйэ (2023 сылга диэри төрөөбүт үс саастарыгар диэри оҕолорго): бастакы зонаҕа — 30390 солк., иккис зонаҕа — 25455 солк. Үһүс уонна кэнники оҕолорго өрөспүүбүлүкэтээҕи «Ийэ хапытаала» төлөбүр кээмэйэ — 316 200 солк.

Элбэх оҕолоох ыалларга сыл ахсын оскуолаҕа киирэргэ төлөбүр кээмэйэ кырата — 4534 солк. ананар.

Өйөбүл туһунан консультацияны 8 800 100-00-01 нүөмэргэ эрийэн билсиэххэ сөп.