Быйыл суоппары туоһулуур дастабырыанньа болдьоҕо уһаан биэрэр

Бу сылтан суоппардар 2024 эбэтэр 2025 сылга болдьоҕо түмүктэнэр суоппар дастабырыанньаларын үс сыл устата куттаммакка туһаныахтарын сөп.

Маннык федеральнай сокуоҥҥа уларыйыылар былырыын ахсынньы 28 күнүгэр күүһүгэр киирбиттэрэ. Ол курдук, ГИББД-га  болдьоҕо түмүктэнэр эбэтэр түмүктэнэрэ чугаһаабыт суоппар дастабырыанньатын 2027 эбэтэр 2028 сылга биирдэ уларыттарыахтарын сөп буолар. Бу кыаҕынан хас биирдии тиэхиньикэлээх суоппардар эрэ буолбакка, үлэ иһинэн эрэ көҥүллээх массыына ыытар суоппардара эмиэ туһаныахтара. Ханнык эмэ эбии уларыйыылары киллэттэрэр ирдэммэт диэн ТАСС суруйар.

Санаттахха, туһааннаах дьаһал урут 2022 сыл тохсунньу 1 күнүттэн 2023 сыл  тохсунньу 31 күнүгэр диэри болдьоҕо ааһар дастабырыанньаларга  эрэ дьайара. Кэлин РФ ИДьМ уонна РФ Экэниэмикэҕэ сайдыытын министиэристибэлэрэ бу дьаһалы кэҥэтэргэ быһаарыыны ылыммыттара.