Амма улууһугар кулун тутар 21-22 күннэригэр Социалистическай Үлэ Дьоруойа, Сатаҕай нэһилиэгиттэн аатырбыт сылгыһыт Тимофей Спиридонович Лукин төрөөбүтэ 110 сылыгар уонна И.Я.Строд аатынан ТХПК-ҕа сылгы собуотун федеральнай статуһа иҥэриллибитинэн Сылгыһыт күнэ ыытыллыаҕа.
“Быйыл өрөспүүбүлүкэ таһымнаах тэрээһини Социлистическай Үлэ Дьоруойа Тимофей Лукин төрөөбүт дойдутугар ыытабыт. Тимофей Спиридонович сылгыны үөрдээн иитиини тиһиктээхтик тэрийбитэ. 1948 сыллаахха убаһаны сүүс бырыһыан тыыннаахтыы ииппитэ. Пиэрмэ кэлэктиибэ убаһа дьыалабыай тахсыытын 146,6 быр. тиэрдибитэ. Холкуос сылгыны иитиигэ сүҥкэн ситиһиитин иһин 1949 с. ССРС Үрдүкү Сэбиэтин Президиумун Ыйааҕынан Тимофей Лукин Социалистическай Үлэ Дьоруойун үрдүк аатын сүкпүтэ.
Тэрээһин чэрчитинэн “төгүрүк остуолга” сылгыны иитии сытыы боппуруостарын дьүүллэһиэхтэрэ, племенной сылгылар быыстапкалара, “Сылгыһыт күрэҕэ” тэриллиэҕэ. Татарстантан ыалдьыттар кэлэллэрэ күүтүллэр”, — диэн иһитиннэрдэ өрөспүүбүлүкэ тыатын хаһаайыстыбатын миниистирин солбуйааччы Николай Афанасьев.
Санаттахха, Саха сиригэр Сылгыһыт күнэ кулун тутар 21 күнүгэр бэлиэтэнэр. Аан бастаан 2017 сыллаахха “Саха Өрөспүүбүлүкэтигэр сылгыны үөрдээн иитиини сайыннарар миэрэлэр тустарынан” 2016 с. илии баттаммыт ыйаахха олоҕуран тэриллибитэ. Ол курдук, ДьГТХА ипподромугар (2017 с.), Нам улууһугар (2018 с.), Үөһээ Бүлүү улууһугар (2019 с.), Мэҥэ Хаҥалас улууһугар (2020 с.), Чурапчы улууһугар (2021 с.), Ньурба улууһугар (2022 с.) ыытыллыбыта.
СӨ Тыатын хаһаайыстыбатын министиэристибэтин пресс-сулууспата
Хаартыска: интэриниэт
Дойду Бэрэсидьиэнэ Владимир Путин сылы түмүктүүр пресс-кэмпириэнсийэтигэр тыһыынчанан ыйытыы киирэр. Онтон биирдэстэрин мэдиссиинэ университетын 5-с…
Владимир Путин Саха сириттэн төрүттээх Арассыыйа Дьоруойа Андрей Григорьев туһунан киинэни өйүүрүн биллэрдэ. Саха сириттэн…
Арассыыйаҕа саҥа дьиэни үлэҕэ киллэрии кээмэйэ 2025 сыл түмүгүнэн былырыыҥҥытааҕар кыратык аччыаҕа уонна 103-105 кв.м.…
Арассыыйа Бэрэсидьиэнэ Владимир Путин сыл түмүктэрин таһаарар быһа эпииригэр киниттэн NBC суруналыыһа Кир Симмонс, Москва…
“Владимир Путины кытта сыл түмүктэрэ” бырагыраама судаарыстыба баһылыгын улахан пресс-кэмпириэнсийэтэ уонна быһа лииньийэтин ситимниир “Владимир…
Дойду Бэрэсидьиэнэ Владимир Путин сыл түмүктэрин таһаарар быһа эпииригэр, НДС-ка түһээн үрдээһинин сыала-соруга бүддьүөт тэҥнэһиитин…