Айсен Николаев: “Эдэр табаһыт” бырагырааманы эбии кэҥэтиэхпит»

Таба иитиитин салаата бэйэтэ туспа кыһалҕалардаах.

“Каадыр боппуруоһун быһаарарга “Эдэр табаһыт” бырагырааманы эбии кэҥэтиэхпит. Адьырҕа кыыллары кытта охсуһууга Госдума, Федерация Сэбиэтин дьокутааттарын кытта бииргэ үлэлиэхпит.  Табаттан ылыллар бородууксуйаны ханна батарыыга, хайдах оҥорууга, тириитин туһаныыга, тырааныспар айаныгар, о.д.а. олус элбэх боппуруос үөскүүр. Онон итиннэ бырабыыталыстыбаны кытта билим ыкса үлэлиирэ, производственнай эбийиэктэри ханна туруоруу, бородууксуйаны барыстаах оҥоруу, батарыы мэхэньиисимэ–бу боппуруостарга  бары бииргэ үлэлиэхпитин наада”, — диэтэ Ил Дархан.