Быйыл талыллыбыт дьокутааттар уонна баһылыктар туох идэлээхтэрий?

Дойду үрдүнэн 2023 сыл балаҕан ыйынааҕы дьокутааттары уонна баһылыктары талыы быыбарыгар барыта 31 107 киһи талылынна. Бу Арассыыйа бүттүүнүн дааннайынан. 

Муниципальнайтан саҕалаан эрэгийиэннэр парламеннарын араас таһымнаах дьокутааттарынан, баһылыктарынан ким буолла?

Бу туһунан Арассыыйа Киин быыбардыыр хамыыһыйата иһитиннэрдэ.

Ол курдук, саҥа талыллыбыт дьокутааттар уонна баһылыктар идэлэрин көрүөххэ. Быыбарга кыайбыт дьон улахан аҥардара сулууспалаахтар (кинилэргэ судаарыстыбаннай уонна муниципальнай сулууспалаахтары таһынан юристар, бухгалтердар, инженердэр, менеджердэр уо.д.а. киирсэллэр) – 13 137 киһи. Кинилэр кэннилэриттэн оробуочай идэлээхтэр – 4268 киһи уонна преподавателлэр – 3655 кэлэллэр. Быыбарга саамай аҕыйах – 108 устудьуон уонна айар идэлээх дьон – 250 талыллыбыттар.