Муус устар 23 күнүгэр Ил Түмэн алтыс (уочараттаах) пленарнай мунньаҕын кэмигэр норуот дьокутааттара бастакы уонна бүтэһиктээх ааҕыыга Саха сирин 2024 сылга уонна 2025 уонна 2026 сыллар былааннаах кэмнэригэр Саха Ѳрѳспүүбүлүкэтин судаарыстыбаннай бүддьүѳтүгэр сокуон барылын ылыннылар.
Норуот дьокутаата Юрий Николаев Ил Түмэҥ сис кэмиэтиэтин киэҥ ыҥырыылаах мунньах түмүктэрин туһунан иһитиннэрбитинэн, норуот дьокутааттарынан сокуон барылыгар 115 уларытыыны көрбүтттэр, онтон 72-тэ бигэргэтиигэ сүбэлэммит.
Ил Түмэн бэрэссэдээтэлэ Алексей Еремеев судаарыстыбаннай бүддьүөтү чуолкайдааһыҥҥа тыа хаһаайыстыбатын сайыннарыы, ол иһигэр ыһыы уонна соҕотуопкалыыр үлэлэри өйөөһүҥҥэ судаарыстыбаннай бырагыраамаҕа үбүлээһинигэр эбии үп-харчы көрүллүбүтүн туһунан бэлиэтээтэ.
Бэлиэтээн эттэххэ, тыа хаһаайыстыбатын сайыннарыыга эбии 795 мөл. солк. үп-харчы көрүллүөхтээх. Ол курдук, тыа хаһаайыстыбатын сайыннарыыга судаарыстыбаннай бырагыраама уопсай суумата 15 млрд. солк. тэҥнэһиэҕэ. Бу сууматтан 62%-на муниципальнай оройуоннарынан ыытыллыаҕа.
Саха сирин 2024 сыллааҕы судаарыстыбаннай бүддьүөтүн дохуоттаах чааһын уопсай кээмэйэ 10 214 852,3 тыһ. солк. улааппыт уонна барыта 312 831 808,2 тыһ. солк. буолуоҕа. Оттон ороскуотун кээмэйэ 37 606 222,1 тыһ. солк. улаатан, барыта 349 459 674,3 тыһ. солк.тэҥнэһиэҕэ.
Саас харалдьык саҕана тымныыны, хаары-ардаҕы билиммэккэ нуоҕайа үүнэр кэрэчээн ньургуһун сибэккини хоту сир дьоно олоххо…
Бүгүн Аан дойдуга Түмэл күнэ. Бу бэлиэ күнүнэн Емельян Ярославскай аатынан Хотугу норуоттар устуоруйаларын уонна…
Ыам ыйын 18 күнүнээҕи туругунан, Өлүөнэ өрүскэ муус барыыта Нам улууһун сиринэн-уотунан бэлиэтэнэр. Дьону Аллараа…
СӨ Гражданскай оборуона дьыалаларыгар уонна нэһилиэнньэ олоҕор-дьаһаҕар куттал суох буолуутун хааччыйар министиэристибэ иһитиннэрбитинэн, бүгүн Өлүөхүмэҕэ …
Сунтаар Кэмпэндээйитигэр котлованнай ньыманан элбэх кыбартыыралаах дьиэ тутуута саҕаланна. Бу туһунан улуус дьаһалтатын пресс-сулууспата иһитиннэрдэ.…
Бэйэтин уруккутун сыаналыыр, ытыктыыр нэһилиэк кэскиллээх. Харбалаахтааҕы үөрэхтээһин холбоһугар быйыл кыһын оскуола түмэлин архыыбын матырыйаалын…