Салгыы
Быйыл “Үөрэхтээһин” национальнай бырайыагынан кэккэ былааннары олоххо киллэриэхтэрэ

Быйыл “Үөрэхтээһин” национальнай бырайыагынан кэккэ былааннары олоххо киллэриэхтэрэ

06.02.2024, 18:36
Хаартыска: Мария Васильева, СИА.
Бөлөххө киир:

Бүгүн буолан ааспыт өрөспүүбүлүкэ бырайыактыыр офиһын мунньаҕар сайдыы инники күөҥҥэ турар соруктарын уонна национальнай бырайыактары ырытыстылар.

“Үөрэхтээһин” национальнай  бырайыагынан Саха сиригэр улахан хамсааһын барар. Материальнай-тиэхиньиичэскэй хааччыйыыттан саҕалаан иитиигэ тиийэ хабар бырайыак. СӨ үөрэҕин уонна билимин миниистирэ Нюргуна Соколова тус ТГ ханаалыгар быйыл бырайыак иитинэн туох үлэлэр былааннаналларын үллэһиннэ.

“Үөрэхтээһин” национальнай бырайыак иитинэн былаан:

— өрөспүүбүлүкэ бары улуустарын оскуолаларын баазаларыгар “Үүнүү туочуката” естественнэй-научнай уонна технологическай хайысхалаах 63 киин аһыллыыта,

— үс анал коррекционнай оскуолаҕа доруобуйаларынан хааччахтаах оҕолору үөрэтэргэ уонна сайыннарарга материальнай-тиэхиньиичэскэй баазаны саҥардыы,

— “Земскэй учуутал” бырагыраама чэрчитинэн 17 педагогическай вакансиянан учууталлары үлэҕэ ылыы,

— үс оскуола баазатыгар “Кванториум” оҕо технопааркатын тэрийии,

— биэс оскуолаҕа успуорт сааланы өрөмүөннүөхтэрэ уонна биир сааланы успуорка анаан бэлэмниэхтэрэ,

— бары хайысхаларынан уопсай сайыннарар бырагырааманан эбии үөрэхтээһин 1400 миэстэтин тэрийиэхтэрэ,

— 40 үөрэх тэрилтэтигэр сыыппара үөрэҕин эйгэтин киллэриэхтэрэ,

—  “РФ гражданнарын патриотическай тыыҥҥа иитии” бырайыак иитинэн өрөспүүбүлүкэ 179 оскуолатын Арассыыйа Федерациятын бэлиэтинэн хааччыйыахтара.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
27 мая
  • 18°C
  • Ощущается: 17°Влажность: 34% Скорость ветра: 1 м/с

Сообщить об опечатке

Текст, который будет отправлен нашим редакторам: