Хаартыскаҕа Андрей Сорокин түһэриитэ, СИА
Ил Дархан Айсен Николаев поликлиника тутуутун көрдө. Таатта улууһун киинигэр тутулла турар саҥа поликлиникаҕа симиэнэҕэ 200 киһи сылдьан көрдөрүө.
Бу «Доруобуйа харыстабыла» национальнай бырайыагынан доруобуйа харыстабылын бастакы сүһүөх звенотун саҥатытыы бырагырааматынан ыытыллар. Билигин поликлиника 1983 сыллаахха тутуллубут эргэ дьиэҕэ баар.
«Биһиэхэ сүрүн сыалынан-соругунан ирдэбилгэ сөп түбэһэр тэриллэрдээх аныгы үйэҕэ эппиэттиир саҥа дьиэни тутуу буолар. Түөрт тыһ.кв м тахса иэннээх түөрт мэндиэмэннээх тутуу үлэҕэ киирдэҕинэ, оройуон балыыһатын бары сулууспалара, отделениелара барыта биир сиргэ баар буолуохтара. Ол дьоҥҥо-сэргэҕэ, мэдиссиинэ үлэһиттэригэр табыгастаах буолуо«, — диир Айсен Николаев.
Оройуоннааҕы киин балыыһа кылаабынай бырааһа Сардаана Кононова тутааччылар тэтимнээхтик үлэлээбиттэрин, эбийиэги бу күһүн үлэҕэ киллэрэр былааннаахтарын иһитиннэрдэ.
«Эбийиэк 91% бэлэм. Болдьоҕор киириэ диэн эрэллээхпит. Билигин уотугар-күөһүгэр, ис өттүгэр, муостатыгар, уутун-хаарын, канализациятын ситимигэр үлэ бара турар. Былаһаакканы, кэлэр-барар суолу оҥороллор, миэбэли таҥаллар«, — диир кини.
Бырайыагынан саҥа поликлиникаҕа күнүскү стационар, саҥа тэриллэрдээх диагностика отделениета баар буолуохтаахтар.
Санатан эттэххэ, Саха сиригэр 2021-2023 сс. доруобуйа харыстабылын бастакы сүһүөх звенотун саҥатытыы бырагырааматыгар федеральнай бүддьүөттэн 6,5 млрд солк көрүллүбүтэ. 2022 сыллаахха Бүлүүгэ балыыһа комплексын бастакы уочарата тутуллан үлэҕэ киирбитэ. Быйыл Ытык Күөлгэ поликлиниканы сэргэ, балыыһа комплекстарын Чурапчыга уонна Муомаҕа Хонууга киллэрэр былаан баар. Балыыһа комплекса Уус Маайаҕа тутулла турар. Аммаҕа, Намҥа, Ньурбаҕа поликлиникалар, Бүлүүгэ балыыһа иккис уочарата, балыыһа комплекстара Майаҕа уонна Сангаарга тутуллуохтара.
СӨ Ил Дархан уонна Бырабыыталыстыба пресс-сулууспата
Ил Дархан туһаайан этиитигэр дьоҕус урбааны өйүүр боппуруос болҕомтоҕо ылыллыа диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…
СӨ муниципальнай тэриллиилэрин бэрэстэбиитэллээх уорганнарын дьокутааттарын 3-с сийиэһэ куорат уокуруктарын, тыа сирин нэһилиэктэрин дьокутааттарын түмтэ.…
Саха норуодунай суруйааччыта, Саха Өрөспүүбүлүкэтин култууратын үтүөлээх үлэһитэ, СӨ Суруйааччыларын сойууһун бэрэссэдээтэлинэн үлэлээбит Егор Петрович…
Быйыл өрөспүүбүлүкэ 13 арктическай улууһугар барыларыгар эргиэн логистическай кииннэрэ аһылыннылар. Бу соругу Айсен Николаев Судаарыстыбаннай…