Быйылгы оттооһун сезонугар үс улуус былааны куоһарда

Быйылгы оттооһун сезонугар былааннарын куоһарбыт уонна сүүс бырыһыан толорбут улуустар бааллар. СӨ Тыатын хаһаайыстыбатын уонна аска-үөлгэ бэлиитикэтин министиэристибэтин чахчытынан, балаҕан ыйын 9 күнүнээҕи туругунан, Нам улууһа (104 %), Уус Алдан улууһа (103%), Хаҥалас улууһа (101 %) былааннарын куоһардылар.  Абый уонна Ньурба улуустара сүүс бырыһыан толордулар.

Кэбээйи сүүс бырыһыаҥҥа чугаһатта. 90-тан тахса бырыһыан толорбуттар эмиэ бааллар. Бу кэрискэҕэ Мииринэй (96), Үөһээ Бүлүү (93), Бүлүү (92), Ленскэй, Мэҥэ Хаҥалас , Сунтаар (91-дии) улуустара хапсаллар.

Бу ыйыллыбыт күннээҕи туругунан , оттооһуну сэргэ 16095 туонна сиилэс угулунна, 4045 туона сенаж бэлэмнэннэ.

Хаартыска: Ю.Петров тиксэрдэ.