2025 сыл туох бэлиэ дааталардааҕый? Быйылгы сыл биһиэхэ тугунан өйдөнүллэн хаалыаҕай? Бу туһунан кылгастык.
Быйыл Олоҥхо ыһыаҕа былаан быһыытынан от ыйын 4-5 күннэригэр Нерюнгрига буолуоҕа. Нерюнгрилар былырыыҥҥыттан саҕалаан бэлэмнэнэ сылдьаллар. Ыһыах арыйыы уонна сабыы сиэрин-туомун кылаабынай режиссерунан Руслан Тараховскай бигэргэтиллибитэ.
Быйыл СӨ норуоттарын XXII спортивнай оонньуулара Тааттаҕа Ытык Күөлгэ ыытыллыаҕа. Манна 7 тыһ. тахса спортсмен кыттара былааннанар. Санатан эттэххэ, биһиэхэ икки улахан спортивнай спартакиадалаахпыт: “Манчаары оонньууларын” сэргэ Саха сирин норуоттарын спартакиадата. Бу икки улахан тэрээһиҥҥэ бүддьүөттэн эрдэттэн үп-харчы көрүллэн, спортивнай, култуурунай эбийиэктэр тутуллаллар. Спартакиада бырагырааматыгар 12 успуорт көрүҥнэрэ киириэхтэрэ: хапсаҕай, мас-рестлинг, сахалыы ыстаҥа, чэпчэки атлетика, чэпчэки атлетика, национальнай многоборье, хотугу многоборье, остуол оонньуулара, гиирэ көтөҕүү, буулдьанан ытыы, оҕунан ытыы, ат сүүрдүүтэ уонна атынан оонньуулар.
Быйыл дойдуга Аҕа дойдуну көмүскээччи уонна Саха сиригэр Ийэ дойдуну көмүскээччи сылыгар Улуу Кыайыы 80 сылын бэлиэтиэхпит. Улуу Кыайыы 80 сылын көрсө «Бастионы памяти» диэн историко-патриотическай бырайыагынан саллааттар ааттарын үйэтитиигэ пааматынньыктар оҥоһуллан туруоруллуохтара. Саха сириттэн Сталинград кыргыһыытын дьоруойдарыгар анаан Мамаев Кургаҥҥа саҥа өйдөбүнньүк бэлиэ баар буолуоҕа.
Бэс ыйыгар Дьокуускай куоракка федеральнай Сабантуй ыытыллара былааннанар. Сабантуй дойду култуурунай кодун бэлиэ бырааһынньыгынан буолар уонна сыл ахсын Арассыыйа биир талыллыбыт эрэгийиэнигэр ыытыллар. Дьокуускайга федеральнай таһымнаах Сабантуй ыытыыга эппиэтинэстээхтэринэн Нижнекамскай муниципальнай оройуон, Татарстан култууратын министиэристибэтэ уонна аан дойдутааҕы Татарстан кэнгириэһэ буолаллар. Сабантуй — сааскы хонуу үлэтин түмүктүүр үгэс буолбут татаардар национальнай бырааһынньыктара.
Дьокуускайга Сайсары күөл үрдүнээҕи ытык сиргэ Арктикатааҕы эпос уонна ускуустуба киинэ тутулла турар. Манна Судаарыстыбаннай филармония уонна икки тыйаатыр көһөн кэлиэхтээхтэр, бибилэтиэкэ, уопсайа 1520 миэстэлээх үс саала баар буолуохтара. Уһук Илиҥҥэ саамай улахан Арктикатааҕы эпос уонна ускуустуба киинэ 2025 сыл бүтүүтэ тутуллан үлэҕэ киирэрэ былааннанар.
2025 сылга больничнай илиис босуобуйатын кээмэйэ улаатар. Больничнай илиис төлөбүрэ күҥҥэ 5 673,97 солк. диэри…
Мэҥэ Хаҥалас улууһун Матта сэлиэнньэтигэр саҥа эбийиэк “Демография” национальнай бырайыак чэрчитинэн тутуллар. 51 куойка-миэстэлээх интэринээт-дьиэ…
Саха сиригэр «Госуслуги.Дом» мобильнай сыһыарыы туһанааччытын ахсаана 48 тыһыынчаттан тахса киһи буолла. Бу туһунан ОДьКХ уонна…
Быйыл биир кэлим эксээмэни туттарааччылар олунньу 1 күнүгэр диэри сайабалыанньаларын биэриэхтээхтэрин туһунан Үөрэҕи, билими кэтээн…
Дьокуускай куорат борокуратууратын ирдэбилинэн 57 саастаах эр киһи холуобунай дьыалатыгар суут судаарыстыбаннай буруйдааһыны өйөөтө. Кини алҕас киһини…
Үүммүт 2025 сылга Былатыан Ойуунускай аатынан Саха тыйаатыра 100 сыллаах үбүлүөйүн бэлиэтиэҕэ. Быйылгы үбүлүөйдээх сылга…