«Быйылгы ыһыах наһаа үчүгэйдик ааста»

Быйылгы Олоҥхо ыһыаҕар Гаврил Колесов аатынан Норуот айымньытын киинин фольклорга исписэлииһэ Аксиния Степанова улахан дьоҥҥо олоҥхону толорооччуларга 1 үрдэли ылла.

— Биһиги элбэх тэрээһиннэри ыытар буолан, бэлэмнэнэргэ бириэмэ тиийбэт курдук. Ол эрээри, испэр олоҥхобун наар хатылыы сылдьабын.
Мин хос эһэм Николай Степанов-Ноорой »Күн Эрили» олоҥхотун толорбутум, иккис күҥҥэ атын олоҥхотун толордум. Ити курдук икки олоҥхону толоруохтааххын.

Мин бастаан миэстэлэһиим оҕолорго биһирэбил бириистэн саҕаламмыта. Ыччаттарга Кылаан кыайыылаах буола сылдьыбытым.
Быйылгы ыһыах наһаа үчүгэйдик ааста, тутуу бөҕө барбыт, тэрээһин эгэлгэтэ ыытылынна. Хас хардыы аайы волонтердары туруорбуттар, көмөлөһөллөр. Олоҥхо ыһыаҕын аһыллыыта олох үчүгэй этэ. Киһи бөҕөтүн хамсаппыттар. Онон үөрэн, астынан олоробун, — диэн кини кэпсээтэ.