Хаартыска Дьокуускай куорат дьаһалтатын пресс-сулууспатыттан
Быйылгыттан Дьокуускай куорат 2, 4, 17 түөлбэлэрин хаарбах туруктаах дьиэлэрин оннугар «Спортивнай» түөлбэ тутуллан саҕаланыа.
Бэҕэһээ Дьокуускай куорат баһылыгын солбуйааччы Антон Алексеенко салалтатынан Олох-дьаһах сыһыаннаһыыларыгар департамент уонна түөлбэни тутууга эппиэттээх оператор «РИА» АУо сакаасчыт сулууспатын кытары көһөрүллүөхтээх дьиэлэр олохтоохторо көрүстүлэр.
Куорат олохтоохторо, бастатан туран, хаарбах дьиэлэртэн көһөрүү уочаратын боппуруостара долгутарын, саҥа кыбартыыраны олорбут дьиэлэрин саҕа иэнинэн ылыахха сөп дуо уонна хайдах усулуобуйалааҕын итиэннэ «территорияны тиһиктээхтик сайыннарыы» усулуобуйата хаарбах дьиэттэн көһөрүү бырагырааматыттан тугунан уратылааҕый диэн, о.д.а. ыйытыылары биэрдилэр.
Бүгүҥҥү туругунан «РИА» АУо элбэх кыбартыыралаах дьиэлэри маннык аадырыстарынан көһөртүүр: Якутская уулусса, 59, 61/1, 63, 63/1 дьиэлэрэ, Пионерская уулусса, 38/1, 40/1 дьиэлэрэ.
Өскөтүн бу түөлбэлэри көһөрүүгэ ыйытыылаах буоллаххытына маннык төлөпүөнүнэн сибээстэһиэххитин сөп: 8 (4112) 508-630, 8 (924) 163-33-68. Оттон көһөрүллэр дьиэлэр олохтоохторун кытары үлэҕэ офистара маннык аадырыска баарын санатабыт: Дьокуускйа к. Орджоникидзе уулуссатын, 17 дьиэтэ.
Кыайыы күнэ. Муҥура суох үөрүү, харах уута аргыстаах, кыырыктыйбыт чанчыктаах, өрөгөйдөөх бырааһынньык! Ити билигин, итинник…
Бу хаартыска 1975 сыллаахха Кыайыы 30 сылыгар түһэриллибит. Урут хаартысканан түһэрии үөдүйэн турдаҕына дьарыктана сылдьан…
Аҕа дойду уоттаах сэриитигэр Улуу Кыайыы 80 сылынан Ем.Ярославскай түмэлигэр “Реликвии Великой Отечественной…” быыстапка буолла.…
Модун кыахтаах Сэбиэскэй судаарыстыба улуу нуучча норуотун салалтатынан биэс сыллаах алдьархай аргыстаах Аҕа дойду сэриитин…
1827 сыллаахха атыыһыттар көҕүлээһиннэринэн, үпкэ-харчыга тус кыттыһыыларынан Дьоҕус баһаарга тутаах дьиэни 1830 сыллаахха диэри туттарбыттар…
Бүгүн, ыам ыйын 11 күнүгэр, уочараттаах оһуокай Арчы дьиэтигэр үрдүк таһымнаахтык ыытылынна. Үс Дьоруойдаах Бүлүү…