Ил Дархан, бырабыыталыстыба дьаһалтатын пресс-сулууспата.
Бырабыыталыстыбаҕа национальнай бырайыактар үлэлэрин туһунан мунньах буолла. Бырабыыталыстыба бэрэссэдээтэлэ Кирилл Бычков национальнай бырайыактар олоххо киириилэрин хонтуруоллаата.
— Быйыл национальнай бырайыактарынан хаһааҥҥытааҕар да элбэх эбийиэк тутуллан киирэн эрэр. Маны тэҥэ, федеральнай бүддьүөттэн хаһааҥҥытааҕар да элбэх үп киирдэ. Онон эбийиэктэри болдьоҕор бүтэрэргэ туох баар күүспүтүн ууруохтаахпыт. Сүрүнэ, хонтуруолу күүһүрдүөхтээхпит, борокуратуураны кытта бииргэ үлэлиэхтээхпит. Бырабыыталыстыба бэрэссэдээтэллэрин солбуйааччылара-куратордар уонна миниистирдэр бэйэлэрин хайысхаларынан тус эппиэтинэһи ылыналлар, — диэн Кирилл Бычков эттэ.
Сорох эбийиэктэргэ болдьоҕуттан куоттарыы куттала баар диэн кини этэр. Онон хаарбах дьиэлэртэн көһөрүү бырагырааматынан муниципалитеттары кытта үлэ күүһүрүөхтээх. Улуус баһылыктара тус хонтуруолларыгар тутуохтаахтар. Бэдэрээтчит эбэһээтэлистибэтин толорботоҕуна, сакаасчыт (былаас уоргана) ону хонтуруоллаан, эппиэккэ тардан, ситиһиннэриэхтээх.
Саха сирин борокуруора Максим Попов былаас уорганнарын уонна муниципалитеттары кытта бииргэ үлэлииргэ бэлэмнэрин эттэ. Тутуу үлэтин кыраапыгын өссө сиһилии чуолкайдыыр наадатын ыйда. Эбэһээтэлистибэлэрин толорбот бэдэрээтчиттэр эрэлэ суох тэрилтэлэр испииһэктэригэр киириэхтээхтэр диэн эттэ.
2023 сылга Саха сиригэр национальнай бырайыактарга анаммыт суума кэнники биэс сылга хаһааҥҥытааҕар да элбэх — 68,1 миллиард солкуобайга тэҥнэһэр. Онон Саха сирэ Уһук Илиҥҥэ национальнай бырайыактары олоххо киллэриигэ уонна үбү-харчыны булууга лиидэр буолар. 2019 сылтан бу суума 4 төгүл улаатта.
Бу — 900-тэн тахса килэмиэтирдээх өрөмүөннэммит суол, 50 муоста, 60-тан тахса балыыһа, 50-ча оскуола, 32 уһуйаан. Биэс сыл иһигэр барыта 274 социальнай эбийиэк тутулунна, 28 тыһыынча киһи хаарбах дьиэттэн көһөрүллэн, саҥа дьиэлэннэ.
Ил Дархан, бырабыыталыстыба дьаһалтатын пресс-сулууспата.
Бүгүн, ахсынньы 17 күнүгэр, Дьокуускайга 1–5-с кылаас үөрэнээччилэригэр актированнай күн биллэрилиннэ. Бу туһунан киин куорат…
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…