Быковскай оскуолатын үөрэнээччилэригэр эр санааланыы уруогун ыыттылар

Быйыл Арассыыйаҕа Ленинград оборонатын босхолооһун 80 сыла бэлиэтэнэр. Бу устуоруйа бэлиэ даататыгар анаан Быковскай оскуолатын үөрэнээччилэригэр «Ленинград. Блокада. Подвиг» диэн эр санааланыы уруогун ыыттылар диэн «Маяк Арктики»  иһитиннэрэр.

Бибилэтиэкэр Любовь Атласова саллааттар эрэ буолбакка, Ленинград олохтоохторун — собуоттарга үлэлиир эр дьону кытта тэҥҥэ үлэлээбит уолаттар уонна кыргыттар, оҕолор уонна дьахталлар дьоруойдуу быһыыларын туһунан оҕолорго кэпсээтэ, итиэннэ «Блокада Ленинграда» диэн презентация бэлэмнээн көрдөрдө.

«Оҕолор 11 саастаах Таня Савичева ыарахан дьылҕатын туһунан кэпсээни ордук сэҥээрдилэр. Блокада оҕолорун хорсун быһыылара эр санаалаах, дьулуурдаах, дойдуга тапталлаах буоларга иитэр диэн түмүккэ кэллилэр», — диэн бибилэктиэкэр иһитиннэрэр.