«Былааһы кытта кэпсэтии» эпииргэ ЗАГС салайааччыта Дария Слепцова тахсыаҕа
![](https://sakha-sire.ru/wp-content/uploads/2024/05/zags-1060x596.jpg)
Ыам ыйын 31 күнүгэр күнүс 13:05 чааска «Саха» НКИХ «Тэтим» араадьыйа 107,1 «Былааһы кытта кэпсэтии» биэриигэ СӨ Бырабыыталыстыбатын иһинэн Гражданскай турук аахталарын суруйуу управлениетын салайааччыта Дария Васильевна Слепцова кыттыыны ылыаҕа.
Араадьыйа истээччилэригэр Дария Слепцова ЗАГС инники былааннарын, судаарыстыбаннай өҥөнү оҥоруу үлэтин хаачыстыбатын тупсарыы, ааспыт сыл сүрүн түмүктэрин тустарынан кэпсиэҕэ. Чуолаан болҕомтотун дойдуга Дьиэ кэргэн сылыгар ыытыллар тэрээһиннэргэ ууруоҕа.
Халаан кэмигэр сүтэрбит докумуоннары чөлүгэр түһэриигэ, анал байыаннай кыттааччыларга көрүллэр чэпчэтиилэр, оҕо төрөөһүнүн туоһу сурукка сахалыы ааттары суруйуу уратыларыгар хоруйдары биэриэҕэ. Бу уонна да атын тутаах ыйытыктарга быһа эпиир кэмигэр Дария Слепцова хоруйдуоҕа.
«Былааһы кытта кэпсэтии» биэрии кэмигэр истээччилэр устуудьуйаҕа 8 (4112) 32-00-66 уонна 32-11-66 төлөпүөнүн нүөмэрдэринэн эрийэн ыйытыахтарын сөп. Быһа эпиир кэмигэр тахсыбатах ыйытыктарга бырагыраама кэнниттэн тус хоруйдар ыытыллыахтара.
Сообщить об опечатке
Текст, который будет отправлен нашим редакторам: