«Былааһы кытта кэпсэтии» араадьыйа эпииргэ археологическай нэһилиэстибэ эбийиэктэрин оннунан хаалларыы туһунан кэпсиэхтэрэ

Кулун тутар 28 күнүгэр күнүс 13:05 чаастан «Саха» НКИХ FM 107,1 долгуҥҥа «Тэтим» араадьыйа эпииригэр «Былааһы кытта кэпсэтии» биэриигэ СӨ култуурнай нэһилиэстибэтин эбийиэктэрин харыстааһыҥҥа управлениетын салайааччыта Николай Афанасьевич Макаров кыттыыны ылар.

Араадьыйанан истээччилэргэ быйылгы археологическай нэһилиэстибэ пааматынньыктарын чөлүгэр түһэрии, Саха сиригэр улахан хаһыылар ыытыллыбыттарын түмүгэр көстүбүт саамай былыргы археологическай эбийиэктэр булуллубут миэстэлэрин туһунан кэпсиэхтэрэ. Устуудьуйа ыалдьыта археологическай эбийиэктэр көрүҥнэрин уонна былыргы артефактары харыстааһын туһунан иһитиннэриэҕэ.

Бу уонна да атын ыйытыктарга хоруйдар бэриллиэхтэрэ. Араадьыйанан истээччилэр төлөпүөнүнэн эрийэн ыйытыыларгытын биэриэххитин сөп: 8 (4112) 32-00-66 уонна 32-11-66.

СӨ Ил Дарханын уонна Бырабыыталыстыбатын пресс-сулууспата