«Былааһы кытта кэпсэтии» биэриигэ гаас уматыкка көһөрүү туһунан кэпсиэхтэрэ

Бэс ыйын 14 күнүгэр күнүс 13:05 чааска «Саха» НКИХ FM 107,1  «Тэтим» араадьыйа «Былааһы кытта кэпсэтии» биэриигэ СӨ Бырамыысыланнаска уонна геологияҕа миниистирэ Максим Викторович Терешенко уонна «Автогазгрупп» ХЭУо генеральнай дириэктэрэ Александр Валерьевич Попов кыттыыны ылыахтара.

Миниистир тырааныспары метаҥҥа көһөрүү улахан бырагырааматын сайыннарыы туһунан кэпсиэҕэ. Суоппардарга субсидия тиэмэтин таарыйыаҕа, тырааныспар ороскуотун хайдах аччатар туһунан иһитиннэриэҕэ, ону тэҥэ Ленскэй уонна Мииринэй улуустарыгар тырааныспары ордук гааска көһөрбүттэрин туһунан кэпсиэҕэ. Гаас сапыраапкаларын ситимнэрин кэҥэтиигэ тоҕо болҕомто уурулларын туһунан иһитиннэриэҕэ. «Автогазгрупп» ХЭУо генеральнай дириэктэрэ Александр Попов араадьыйанан быһа эпиир кэмигэр гааска көһөрүү ханнык болдьоххо туруоралларын туһунан кэпсиэҕэ. Гаас уматыгын туһунан бэйэтин холобуругар хас биирдии суоппарга метан хайдах көмөлөһөрүн иһитиннэриэҕэ. Эпиир кэмигэр сапыраапкалары туруорууга, гаас оборудованиетын атыылаһыыга, гаас баллоннарын талыыга сыһыаннаах ыйытыктарга хоруйдуоҕа.

Билсэр төлөпүөннэргит 8 (4112) 32-00-66 уонна 32-11-66.