«Былааһы кытта кэпсэтии» биэриигэ миниистир Павел Багынанов кыттыаҕа

Кулун тутар 14 күнүгэр күнүс 13 чаас 05 мүнүүтэҕэ «Саха» НКиХ 107,1 долгуҥҥа «Тэтим» араадьыйа биэриитигэр «Былааһы кытта кэпсэтии» биэриигэ СӨ Баайга-дуолга уонна сир сыһыаннаһыыларыгар миниистирэ Павел Багынанов кыттыыны ылыаҕа.

Араадьыйанан истээччилэргэ «Национальная система пространственных данных» федеральнай бырагыраама чэрчитинэн 2024 сыллааҕы кадастровай үлэни ыытыы түмүктэрин кэпсиэхтэрэ. Итиэннэ устуудьуйа ыалдьыта элбэх оҕолоох ыалларга сир учаастактарын биэрии уонна «Уһук Илиҥҥи гектар туһунан» федеральнай сокуон олоххо киириитин кытта билиһиннэриэҕэ.

Эпиир кэмигэр миниистир байыаннай дьайыы кыттыылаахтарыгар сир учаастактарын бас билиигэ биэрии бэрээдэгин олохтуур уларытыылары киллэрэргэ болҕомтотун ууруоҕа.

Бу уонна да атын боппуруостарга хоруйдар бэриллиэхтэрэ. Араадьыйанан истээччилэр төлөпүөнүнэн эрийэн ыйытыыларгытын биэриэххитин сөп: 8 (4112) 32-00-66 уонна 32-11-66.