Былааннарын сүүс бырыһыан толордулар

Нам улууһун оҕуруотчуттара ыһыы хампаанньатыгар хаһааҥҥытааҕар да турунан кытыннылар. Ону тэҥэ быйыл халаан уута этэҥҥэ ааһан, дьон санаата өрө көтөҕүлүннэ.

— Быйыл Нам улууһугар хортуоппуйу, оҕуруот аһын олордон бүтэрдибит. 465, 1 гектарга хортуоппуйу, 98,1 гектарга оҕуруот аһын олордор былааннаахпытын сүүс бырыһыан толордубут. Сүөһү аһылыга буолар култуура былаана — 1618 га. Бүгүҥҥү туругунан 904 гектарга ыһылынна, иккис болдьоххо ыһааччылар бу күннэргэ саҕалыахтара, — диэтэ улуус кылаабынай агронома Сардана Новгородова.