Былаас уорганнарын сахалыы ааттара бигэргэннилэр
23.12.2023, 15:10
Ил Дархан, бырабыыталыстыба дьаһалтатын пресс-сулууспата.
Бөлөххө киир:
Бырабыыталыстыба бэрэссэдээтэлин солбуйааччы Сергей Местников салалтатынан, өрөспүүбүлүкэтээҕи хамыыһыйа былаас уорганнарын сахалыы тылбаастаммыт ааттарын бигэргэттэ. Ол курдук, Ил Дархан, бырабыыталыстыба дьаһалталарын, министиэристибэлэр, судаарыстыбаннай кэмитиэттэр, департаменнар, управлениелар, бастайааннай бэрэстэбиттэллэр ааттарын бигэргэттилэр.
Маны тэҥэ, доруобуйа харыстабылын эйгэтигэр туттуллар 60 тиэрмин тылбааһа бигэргэтилиннэ.
Бу иннинэ тиэрминнэри үөрэтии Гуманитранай чинчийиигэ уонна аҕыйах ахсааннаах норуоттар кыһалҕаларыгар институкка уонна ХИФУ Хотугулуу-илиҥҥи норуоттар тылларын, култуураларын институтугар ыытыллыбыт.
Сотору кэминэн тутуу, тырааныспар, култуура эйгэтигэр тиэрминнэри бигэргэтии буолуоҕа.
— Билигин тиэрминнэри олоххо киллэрии үлэтэ күүтэр. Күннээҕи олоххо, кэпсэтиигэ, сурукка, тэлэбиидэнньэҕэ, араадьыйаҕа, бэчээккэ, уо.д.а. туһаныллыахтаах. Бигэргэммит тиэрминнэри туһаныы хас биирдиибититтэн тутулуктаах. Төһөнөн элбэхтик туттабыт да, соччонон эйгэтэ кэҥээн иһиэҕэ. Олохпутугар омук тылларын киириилэрэ элбээн истэҕин ахсын, бу хайысханан үлэбитин күүһүрдүөхтээхпит, — диэн Сергей Местников эттэ.
Бу сыл бэс ыйыгар Ил Дархан Айсен Николаев бырабыыталыстыба иһинэн үлэлиир, тиэрминнэри саха тылыгар тылбаастааһыҥҥа хамыыһыйаны тэрийэргэ сорудахтаабыта.
Ил Дархан, бырабыыталыстыба дьаһалтатын пресс-сулууспата.
+1
+1
+1
+1
+1
+1
+1
Сообщить об опечатке
Текст, который будет отправлен нашим редакторам: