Муус устар 7 күнэ – Былаҕачыанайап күнэ (Благовещение Пресвятой Богородицы). Бу православнай христианнар биир саамай суолталаах бырааһынньыктара буолар, 12 сүрүн бырааһынньыктарга киирсэр. Бу күн элбэх билгэлээх, быраабылалаах. Христианнар бу күнү 6-с үйэттэн ыла бэлиэтииллэр, ол эбэтэр, 1500 сылтан тахса кэм устата.
Бу күн Иисус Христос ийэтэ буолуохтаах Сибэтиэй Кыыс Маарыйаҕа архангел Гавриил кэлэн, аан дойдуну быыһыыр уол оҕону, Таҥара уолун төрөтүөҥ диэн иһитиннэрбит. Бу күн үтүө сураҕы, Таҥара Сиргэ кэлиитин бырааһынньыктыыллар уонна баары баарынан ылынарга, махтанарга, дьону таптыырга, Таҥараҕа итэҕэйэргэ ыҥыраллар.
Бу күн киһи бэйэтин олоҕун, дууһата тугу баҕарарын туһунан толкуйдуохтаах, сүрэҕин, дууһатын ыраастыахтаах, сирдээҕи аньыыларын бырастыы гынарга Таҥараттан көрдөһүөхтээх. Бу күн Таҥара барытын бырастыы гынар.
Христианнарга бу күн туох көҥүллэнэрий?
Таҥара дьиэтигэр баран, бырааһынньыкка сылдьыахтаахтар, үҥэн-сүктэн көрдөһүөхтээхтэр.
Пост кэмигэр бу күн балыгы, оливковай арыыны сиир, кыратык арыгы иһэр көҥүллэнэр.
Эмтээх оттор ыарыыны утары охсуһар күүстэрэ икки төгүл күүһүрэр, онон оту оргутан иһэллэр, ыраастаналлар, элбэхтик аһаабаттар.
Кыргыттар, дьахталлар таптыыр киһилэрин аатын 40 төгүл ааттаатахтарына, эр киһи таптала өссө күүһүрэр.
Оттон туох көҥүллэммэтий?
Дьиэҕэ ыарахан, кирдээх үлэни үлэлээмэҥ.
Дьиэттэн ыраах айанныыр, сири хаһар, мастары эрбиир, быһар сатаммат.
Дьонтон иэс ылымаҥ уонна биэримэҥ.
Баттаххытын кырыйтарымаҥ уонна кырааскалатымаҥ.
Иистэнимэҥ, баайымаҥ уонна элбэх аһы астаамаҥ.
Саҥа таҥаһы таҥнымаҥ.
Сахалар бу күн «оннооҕор чыычаах уйа туттубат» диэн этэллэрэ.
Мэдиссиинэ национальнай киинин Перинатальнай киинигэр алтынньы 23 күнүгэр ийэлэри уонна аҕыс саҥа төрөөбүт оҕону үөрүүлээхтик…
«ВИС» бөлөх тутааччылара үс тимир ураһаттан биирин туруорар үлэтин түмүктээтилэр. Дьокуускайга үс ураһалар билигин тутулла…
Бу күннэргэ М. Лукачевскай "Триумф" диэн киинэтэ киэҥ араҥаҕа таҕыста. Чулуу бөҕөстөрбүт 1976 сыллааҕы Олимпиадаҕа…
“Б8” акселерационнай бырагыраама Саха сирин уонна Казахстан оонньууну оҥорооччуларын түмтэ. Үс нэдиэлэ устата 35 сайаапка…
Госдуума дьокутаттара иккис уонна үһүс бүтэһиктээх ааҕыыга патогеннай микроорганизмнары контрабанданан дойдуга киллэрии уонна куттал суох…
Дойду Бэрэсидьиэнэ Владимир Путин сорудаҕынан 2025 сыл тохсунньу 1 күнүттэн «Земскэй учуутал» уонна «Земскэй быраас»…