Саха Өрөспүүбүлүкэтин күнүгэр, муус устар 27 күнүгэр, күнүс 14:30 чаастан «Саха» НКИХ эпииригэр Былатыан Ойуунускай 1917-1922 сылларга суруйбут «Ааспыт күннэр-дьыллар» диэн ахтыытын Саха сирин биллэр артыыстара уустаан-ураннаан дьүһүйүүлэрэ тахсар.
Бу туһунан «Пути Великих свершений» саайт иһитиннэрэр. Саха сирин аптаныамыйатын ыларыгар биир тутаах оруоллаах улуу убайбыт Платон Алексеевич Ойуунускай бу суруйуута аан бастаан «Чолбон» сурунаал 1928 сыллааҕы 5-9 нүөмэрдэригэр бэчээттэммитэ. Ааҕааччы артыыстар бары Ойуунускай биир дойдулаахтара, ол курдук, РФ үтүөлээх, СӨ норуодунай артыыһа Петр Баснаев, СӨ үтүөлээх артыыһа, РФ Судаарыстыбаннай бириэмийэтин лауреата Иннокентий Луковцев, СӨ култууратын туйгуна Роман Дорофеев, звукорежиссер Михаил Эверстов.
Бырайыак идиэйэтин ааптара, көҕүлээччитэ «Тааттавтодор» АО генеральнай дириэктэрэ Иван Бочонин, Бырайыак салайааччыта СӨ Ил Дарханын сүбэһитэ, «Улуу айаннар суолларынан» бырайыак салайааччыта Георгий Никонов, айар бөлөх: Анна Пудова, Гаврил Андросов, Валентина Бочонина, Дмитрий Никонов.
Улуу киһибитин аатырдар, кини олоҕун саҥа чопчуларын арыйар айымньы маннык курдук бэрт түргэнник оҥоһуллан тахсан күн сирин көрбүтүн иһин «Саха» НКИХ» генеральнай дириэктэригэр Олег Марковка, генеральнай дириэктэр солбуйааччыта Ирина Ефимоваҕа, «Саха» НКИХ» «Тэтим» араадьыйа дириэктэригэр Николай Бястиновка айар бөлөх аатыттан махталбытын тиэрдэбит.
Улууска өрөмүөн үлэлэрэ номнуо саҕаланнылар. Улууска ууттан эмсэҕэлээбит суоллар сорох учаастактарыгар үлэ саҕаланна. "Дьокуускайтан эбии…
Суһал ыстаап киэһээҥҥи брифинигэр бүгүн, ыам ыйын 19 күнүгэр, СӨ Бырабыыталыстыбатын бэрэссэдээтэлин бастакы солбуйааччы Дмитрий…
Саха сиригэр пионерскай тэрилтэ төрүттэммит күнүнэн 1924 сыл олунньу 17 күнэ ааҕыллар. Бу күн Дьокуускайга…
Нерюнгри куоракка ыытыллыбыт Арассыыйа үөрэнээччилэрин XII Спартакиадаларын II түһүмэҕэр уус-уран гимнастикаҕа Саха сирин спортсменкалара 3 …
Таатта улууһугар Таптал, Эрэл, Итэҕэл сылынан уонна Саха Өрөспүүбүлүкэтигэр "Ньургуһун" күнүнэн тыл үөрэхтээҕэ, биллиилээх литературнай…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга баран, олохтоохтор…