Таатта улууһун норуот айымньытын дьиэтин тус архыыбын хаартыската
Улуу убайбыт, саха литературатын төрүттээччи, Саха автономиятын төрүттээччилэриттэн биирдэстэрэ Былатыан Ойуунускай 130 сыллаах үбүлүөйүнэн Таатта улууһун норуот айымньытын дьиэтин салайааччыта Гаврил Вырдылин санаатын үллэһиннэ:
— Ааспыт үйэ 90-c сылларыттан Саха автономиятын төрүттээччилэриттэн биирдэстэрэ, өрөспүүбүлүкэбит бастакы салайааччыта, ССРС Үрдүкү Сэбиэтин бастакы ыҥырыытын дьокутаата, саха литературатын төрүттэспит суруйааччы Платон Алексеевич Ойуунускай аатын Дьокуускай куорат киин болуоссатыгар иҥэрии боппуруоһа турбута. Биэс сыллааҕыта сөргүтэммит, 4500 илии баттааһына хомуйаммыт, сурук суруйан хамсанан саҕалаабыппыт. Боппуруос ааспатаҕа, ол эрээри хамсаппыт дьоммут буоламмыт, интэриниэт ситимигэр куоластааммыт, Дьокуускай куорат пуордугар Платон Ойуунускай аатын иҥэрэри ситиспиппит. Быйыл, сэтинньи 11 күнүгэр, улуу убайбыт төрөөбүтэ 130 сыла буолар. Биһиги, Таатта улууһун олохтоохторо, Былатыан Ойуунускай аатын Орджоникидзе болуоссатыгар иҥэриини туруорсабыт. Онно кини аатын сүгэр Саха академическай тыйаатыр, пааматынньыга бааллар. Болуоссат Ойуунускай аатын сүгэр кэмэ кэллэ дии саныыбыт. Быйыл, муус устар 14 күнүгэр, Ойуунускай аатын сүгэр тэрилтэлэр, ол курдук Саха тыйаатыра, Таатта улууһун тыйаатыра, литература мусуойа, Дьокуускай куорат пуорда, Чөркөөх орто оскуолата, судаарыстыбаннас мусуойа буолан бииргэ үлэлэһии сөбүлэҥин түһэрсибиппит. Болуоссакка ааты иҥэриини Дьокуускай куорат дуумата уонна дьаһалтата быһаарар. Сэтинньи 22 күнүгэр куорат дууматын сиэссийэтэ буолар. Сиэссийэни аастаҕына, куорат баһылыга бигэргэтиэхтээх. Болуоссат аата уларыйдаҕына, биир да ити уулуссаҕа турар дьиэ докумуона уларыйбат. Тоҕо диэтэххэ, уулусса аата уларыйарын курдук буолбатах. Платон Ойуунускай биир санаалаах судаарыстыбаннай деятелэ Григорий Константинович Орджоникидзеҕэ сүгүрүйэммит, Дьокуускайга киин уулусса, Хаҥалас улууһугар мусуойдаах олоробут. Билиҥҥи туругунан улууспут Айаал Семенович Бурцев суруга Дьокуускай баһылыгын аатыгар киирбитэ. Улуу убайбыт аатын иҥэрэр кэм кэллэ!
ИДьМ сулууспатын Сунтаар улууһун отделын холуобунай ирдэбил үлэһиттэрэ 24 саастаах олохтоох киһи баантан харчыны уорбутугар…
Арассыыйа Бэрэсидьиэнэ Владимир Путин пресс-кэмпириэнсийэни кытта холбоммут быһа сибээс кэмигэр дьиэ кэргэни өйөөһүҥҥэ улахан болҕомтону…
«Газпромбаан» вице-бэрэсидьиэнэ, «Үрдүкү технологиялаах мэдиссиинэ көмөтө» аһымал пуондатын сэбиэтин бэрэссэдээтэлэ Сергей Фурсенко Саха сиригэр оробуочай…
Эһиилги «Дыгын оонньууларын» чөмпүйүөнэ үс мөлүйүөн солкуобайы уонна 7 мөлүйүөн солкуобайтан тахса сыаналаах Дьокуускай куоракка…
Түөкүттэр тус дааннайдары сыыппараҕа көһөрөбүт диэн военкомакка “ыҥырар” саҥа исхиэмэни толкуйдаабыттарын ИДьМ матырыйаалларыгар сигэнэн ТАСС…
Дьокуускай олохтооҕо киһини өлөрөргө соруммутунан буруйдааҕынан билинилиннэ. Кини ритаульнай киинигэр киһиэхэ быһахтаах саба түспүт. 57…