Бүгүн, сэтинньи 11 күнүгэр, СӨ бырабыыталыстыбатын Өрөспүүбүлүкэ саалатыгар Саха АССР автономиятын төрүттэспит судаарыстыбаннай, бэлитиичэскэй диэйэтэл, суруйааччы, учуонай, улуу убайбыт П.А.Ойуунускай төрөөбүтэ 130 сылыгар аналлаах «Саха омук салбырҕастаах санаатын, саталаах саҥатын саҥарыаҕыҥ» диэн уопсастыбаннас «төгүрүк остуола» буолан ааста.
Тэрээһиҥҥэ СӨ Бырабыыталыстыбатын бэрэссэдээтэлин солбуйааччылар Сергей Местников, Анатолий Семенов уонна Саха Өрөспүүбүлүкэтин Судаарыстыбаннай Мунньаҕын (Ил Түмэн) бэрэссэдээтэлэ Алексей Еремеев кыттыыны ыллылар.
Сергей Местников Былатыан Ойуунускайга анаммыт тэрээһиннэр тустарынан, кэскиллээх былааннар олоххо киирэллэрин сырдатта.
Сергей Васильевич салгыы өрөспүүбүлүкэ сүрүн тэрээһиннэрэ Былатыан Ойуунускайы кытта ыкса сибээстээхтэрин бэлиэтээтэ:
Былатыан Ойуунускай хаан-уруу аймаҕа, бэйиэт, прозаик, П.А. Ойуунускай аатынан судаарыстыбаннай бириэмийэ лауреата Елена Слепцова-Куорсуннаах П.А. Ойуунускай төрүччүтүн, аймахтарын уонна автономия олохтоноругар кини сүҥкэн оруолун сырдатта:
Петр Корякин Национальнай архыып докумуоннары туһаныыга салаатын салайааччыта бүгүҥҥү күҥҥэ туох үлэни ыыта сылдьалларын туһунан кэпсээтэ:
Ити курдук, өрөспүүбүлүкэ уопсастыбаннаһа «Саха омук салбырҕастаах санаатын, саталаах саҥатын саҥарыаҕыҥ» тэрээһиҥҥэ Былатыан Ойуунускай сырдык аата үйэтиллэрин туһугар бэрт үгүс үлэ барарын туһунан кэпсээн, уопуттарын атастастылар, санааларын үллэһиннилэр.
Улуу Кыайыы 79 сылынан Уус Алдан улууһун Суотту нэһилиэгэ ытык кырдьаҕастарыгар ас-үөл наборун туттарда. Ону…
Тыа хаһаайыстыбатыгар үүт туттарыы – тыын боппуруос. Үүт туттарыллан үрүҥ-ас дэлэйэр, олохтоох аспытын-үөлбүтүн аһыыбыт, дьон…
Күн-дьыл туруга хайдаҕый? Дьокуускайдааҕы гидрометеорологическай сулууспа тугу иһитиннэрдэ? Соҕуруулуу-арҕаа, соҕуруулуу-илин, илин, хотугулуу-илин кыралаан ардыа, инчэҕэй…
Емельян Ярославскай аатынан түмэлгэ Аан дойдутааҕы түмэл күнүгэр анаммыт ''Түмэл түүнэ'' тэрээһиҥҥэ элбэх интэриэһинэй экскурсиялар,…
Өрөспүүбүлүкэ сиригэр-уотугар халаан туругун ыам ыйын 18 күнүгэр ыксаллаах балаһыанньаны сэрэтиигэ уонна туоратыыга хамыыһыйа мунньаҕар…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга ылларан, олохтоохтору…