“Айанныырдааҕар улахан” бырайыак экологияҕа систиэмэтин чааһынан буолбут ыччат уонна устудьуоннар туризмнарын бырагырааматын үһүс сезона саҕаланна. Бырагыраама көмөтүнэн эдэр дьон Арассыыйа эрэгийиэннэринэн айанныыллар уонна удамыр сыаналаах устудьуоннар кампустарыгар, уопсайдарыгар түһэллэр.
Университеттар, маршруттар суолталаах эбийиэктэринэн уонна эрэгийиэннэргэ эдэр дьону ыҥырар киининэн (точками притяжения) буолаллар. Устудьуоннар биэрэр сайаапкаларын ахсаанынан ордук киэҥник Санкт-Петербург, Калининград, Иркутскай, Владивосток, Казань уонна Москва үрдүк үөрэҕин кыһалара биллэллэр.
Былырыын устудьуоннар туризмнарын бырагырааматынан 5 тыһ. тахса оҕо сынньаммыта, бу 2021 сылы (пилотнай) кытта тэҥнээтэххэ 8 төгүл элбэх буолар. Тустаах бырагырааманан билимҥэ, үөрэххэ уонна туризмҥа Арассыыйа 100-тэн тахса куората хабыллар.
Быйыл 200 кэриҥэ үрдүк үөрэх кыттаары сайыҥҥы саҥа кэмҥэ бэлэмнэнэ сылдьаллар, тас дойду устудьуоннарыгар норуоттар икки ардыларынааҕы таһымҥа сөп түбэһэр бырайыактары оҥорор. Айанньыттар сэҥээрбиттэрин көрөн, бырагыраамаҕа билим-киэҥник тарҕаммыт саҥа эбийиэктэрин киллэрдилэр, билигин 150-тан таҕыста.
Бырагыраамаҕа үрдүк үөрэх кыһаларын бары көрүҥүн начнай-чинчийэр үлэнэн дьарыктанар бары устудьуоннара, эдэр учуонайдар, аспирааннар уонна ординатордар кыттыахтарын сөп. Айаҥҥа барар инниттэн студтуризм.рф платформаҕа сайаапка ыытар, эрэгийиэни, үрдүк үөрэх тэрилтэтин талар уонна университет хоруйун кэтэһэр ирдэнэр. Бу туһунан министиэрситибэ саайтыгар суруллар.
Билим уонна технология уон сылын тэрээһинин туһунан иһитиннэриини СӨ Үөрэҕин уонна билимин министиэристибэтин билимҥэ, идэҕэ үөрэтиигэ уонна тус сыаллаах бэлэмнээһиҥҥэ судаарыстыбаннай бэлиитикэ департамена бэлэмнээтэ.
Дьокуускай куорат баһылыга Евгений Григорьев автотиэхиньикэни регистрациялааһыны уонна хааччыйыыны түргэтэтэргэ соруйда диэн бүгүн киин куораттааҕы…
Бүгүҥҥүттэн “Инникигэ хардыы” өрөспүүбүлүкэтээҕи эдэр чинчийээччилэр үбүлүөйдээх, 30-с төгүлүн ыытыллар билим-күөн күрэстэрэ саҕаланна. Быйыл өрөспүүбүлүкэ…
2026 сылтан биэнсийэҕэ эбии төлөбүрү нэһилиэнньэ социальнай көмүскэлин уоргана буолбакка -- Арассыыйа Социальнай пуондата (СФР)…
Саха сиригэр РФ Сэбилэниилээх Күүстэригэр хантараагынан байыаннай сулууспаҕа гражданнары сүүмэрдээһин үлэтэ салҕанар. Ахсынньы 16 күнүнээҕи…
Ааспыт сууккаҕа Саха сиригэр икки буруйу оҥоруу буолбутун туһунан СӨ Борокуратуурата иһитиннэрэр. Дьокуускайга "Тойота Гайя"…
Арассыыйаҕа 1769 сылга диэри кумааҕы харчы диэн суоҕа. Ол иннинэ манньыаттары эрэ тутталлара диэн Объясняем.рф…