Былыр сүөһүлэрэ үчүгэйдик турбат буоллаҕына

Былыр «ынахсыт тардыыта» сиэри-туому сүөһүлэрэ үчүгэйдик турбат буоллаҕына, төрүөх аҕыйаатаҕына оҥороллоро.

Бу сиэр-туом сайын ходуһа, сир торҕо күөҕүнэн анньыллан турдаҕына, сэбирдэх сиппитин кэнниттэн, хаппыт маһа суох, иннигэр уулаах, күн тахсарыгар мэһэйэ суох сиргэ, ынах-сүөһү төрүөҕэ элбээтин диэн сүөһү кутун көрдөһөн толороллоро.

Я.Линденау бэлиэтииринэн, сахаларга сүөһү кутун биэрэр айыылар ыал эбиттэр. Аҕалара оҕустар, ийэлэрэ ынахтар, кыргыттара ньирэйдэр куттарын биэрэллэр эбит.  Ол иһин биһиги өбүгэлэрбит лоскуй тириигэ үөһээ өттүгэр куорсуннаах гына оҥорон, үс сирэйдээх кыра харысхалы үүт уурар сирдэрин үрдүгэр ыйаан кэбиһэллэрэ.

Сиһилии А.С.Федоров «Саха ыалын сиэрэ-туома» кинигэтигэр ааҕыаххыт.

«Айар» кинигэ кыһата, 2023 с.