Салгыы
Былырыын 187 тыһыынчаттан тахса киһи хаарбах дьиэттэн көспүт

Былырыын 187 тыһыынчаттан тахса киһи хаарбах дьиэттэн көспүт

01.02.2023, 09:47
СИА хаартыската
Бөлөххө киир:

Хаарбах дьиэттэн дьону көһөрүү бырагырааматынан Арассыыйа үрдүнэн барыта 464 тыһыынчаттан тахса киһи олорор усулуобуйатын тупсарыммыт. Былырыын ахсынньыга дойду үрдүнэн 40 тыһыынчаттан тахса киһи саҥа дьиэҕэ көстө. Бу туһунан бэҕэһээ РФ бырабыыталыстыбатын вице-премьерэ Марат Хуснуллин иһитиннэрдэ.

2019 сылтан дойду үрдүнэн көһөрүллүбүт дьиэ уопсай иэнэ 7,82 мөлүйүөн кв м тэҥнэспит. Бу көмөнөн барыта 464,51 тыһыынчаттан тахса киһи туһаммыт. Бырагыраама чэрчитинэн, 2024 сылга диэри 500 тыһыынчаттан тахса киһи саҥа дьиэҕэ көһүөхтээх.

Былырыын бу бырагырааманан барыта 3,05 мөлүйүөн кв м дьиэ көһөрүллүбүтэ, 187,84 тыһыынчаттан тахса киһи олорор усулуобуйатын тупсарыммыта. Ол иһигэр ахсынньыга 40,04 тыһыынчаттан тахса киһи саҥа дьиэ күлүүһүн ылбыта. Саҥа бырагырааманан, ол эбэтэр 2017 сылтан 2022 сылга диэри хаарбах дьиэ ахсааныгар киирбит дьиэлэри көһөрүүнэн, 4,89 тыһыынчаттан тахса киһи туһанна. Барыта 109,63 тыһыынча кв м дьиэ көһөрүлүннэ, — диэн бэлиэтиир вице-премьер Марат Хуснуллин.

Национальнай бырагыраамаҕа 2019 сылтан эрэгийиэннэргэ 342,64 мрлд солкуобай көрүллүбүт. Былырыын Сири-уоту сайыннарыы пуондатыттан 171,18 млрд солкуобай тыырыллыбыт.

СИА хаартыскаҕа түһэриитэ

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
19 июня
  • 16°C
  • Ощущается: 15°Влажность: 63% Скорость ветра: 1 м/с

Сообщить об опечатке

Текст, который будет отправлен нашим редакторам: