Хаартыска СИА.
2023 сылга 240 мөлүйүөн киһи төлөпүөнүн нүөмэрин уонна 123 мөлүйүөн электроннай буоста аадырыһын хакердар уорбуттар. «Роскомнадзор» сыл устата 168 төгүл киһи тус дааннайдарын уоруу тахсыбытын бигэргэппит. Сүрүннээн бааннартан уонна ритейлертэн (интэриниэккэ эргинэр хампаанньалар) сойботоллор эбит. Хакердар бу дьыаланан маассабайдык дьарыктанар буолбуттар. Хампаанньалар базаларын алдьатыы — Арассыыйаны утары гибриднэй сэрии сорҕото буолар.
Онтон иллэрээ сыл хакердар 99,8 мөлүйүөн электроннай буоста аадырыһын уонна 109,7 мөлүйүөн киһи төлөпүөнүн нүөмэрин уоран ылан, интэриниэккэ укпуттара. Бу нүөмэрдэри түөкүттэр аһаҕастык туһаналлар. Саамай чэпчээбитэ, рекламаларын ыытыахтарын сөп, эбэтэр, түөкүттэр анаан эрийэллэр, албыннаан, ыган-түүрэн, харчыны сойбото сатыыллар. Саамай куһаҕана, баан каартатын, пааспар дааннайдарын уорбут буоллахтарына, үбү-харчыны уоруохтарын сөп.
Холобур, былырыыҥҥы сыл саҥатыгар «Спортмастер» хампаанньа килийиэннэрин базата (13,4 мөлүйүөн электроннай буоста аадырыһа уонна 45 мөлүйүөн төлөпүөн нүөмэрэ) интэриниэккэ быраҕыллыбыт.
Өссө Сбербаан «СберСпасибо» бонуснай бырагырааматын килийиэннэрин дааннайдара (48 мөлүйүөн төлөпүөн нүөмэрэ уонна 3,1 мөлүйүөн электроннай буоста аадырыһа) тарҕаммыта.
DLBI-сервис төрүттээччитэ Ашот Оганесян этэринэн, билигин бөдөҥ хампаанньалар куттала суох буолууну хааччыйар үлэни күүһүрдүбүттэр. Онон хакердар кэбирэх соҕус харысхаллаах хампаанньалар баазаларын булан, атаакалыыр буолбуттар. Маассабай атаака күүһүрбүтүнэн сылыктаатахха, бу Арассыыйаны утары гибриднэй сэрии биир ньымата буолар эбит динэ «Известия» суруйар.
От ыйа түмүктэнэр бүтэһик күннэрэ тураллар -- бэтинсэттэн атырдьах ыйыгар үктэнэбит. Атырдьах ыйын өбүгэ саҕаттан…
От ыйын 26-27 күннэригэр Кош-Агач оройуонун Горно-Алтайскай куоратыгар Куйактанар сиргэ СӨ норуотун маастара Иван Павлов…
Аллайыаха улууһугар уу кытыытыгар быраҕыллыбыт эргэ илимҥэ дьиэ хараҥаччыта хам ылларан, мүччү-хаччы мэҥэстэн сытар этэ.…
Саха сирин хамаандата дрон күрэҕэр Уһук Илин уокуру күрэхтэһиитигэр уонна чөмпүйэнээтигэр ситиһиилээхтик кыттан, 40 баар…
Суһал иһитиннэриинэн ИДьМ сулууспатын Ленскэй улууһун отделын холуобунай ирдэбилин үлэһиттэрэ 17 саастаах олохтооҕу «Toyota Land…
Кэмпэндээйигэ "Сир уустара" төгүрүк сыл үлэлиир киин оҕолору араас хайысханан сайыннарар. Бу сайын Саха сирин…