Хаартыска: Ил Дархан уонна СӨ Быраабыыталыстыбатын пресс-сулууспата.
Өрөспүүбүлүкэтээҕи мобильнай бөлөхтөр быраастара 2024 сылга Саха сирин 89 арктическай нэһилиэнньэлээх пууннарыгар сылдьыбыттарын туһунан өрөспүүбүлүкэ доруобуйа харыстабылын министиэристибэтэ иһитиннэрэр.
Былырыын эмчиттэр айаннарын ыыра биллэ кэҥээбит. Арктика улуустарын таһынан, быраастар Өлүөхүмэ, Алдан, Ленскэй, Өймөкөөн, Уус Маайа оройуоннарын 57 нэһилиэнньэлээх пууннарыгар сырыттылар.
2024 сыл өссө биир сонун сүүрээнинэн Г.И. Турнер аатынан Национальнай мэдиссиинискэй чинчийэр институт травматологтарын уонна ортопедтарын көһө сылдьар мобильнай биригээдэлэрин үлэлэтии буолла. СӨ Доруобуйа харыстабылын министиэристибэтин уонна федеральнай мэдиссиинэ киинин икки ардыларыгар түһэрсиллибит сөбүлэҥ чэрчитинэн, сүрүннүүр исписэлиистэр оҕолору көрөр мобильнай хамаандалар састааптарыгар киирсэн, Муома уонна Булуҥ улуустарынан сылдьан, оҕолору бэрэбиэркэлээтилэр уонна эмтэниигэ наадыйар ыарыһахтары көрдүлэр-иһиттилэр.
“Ааспыт сылга өрөспүүбүлүкэтээҕи мобильнай быраастар 78 сырыыны оҥордулар. Алта элбэх хайысхалаах уонна икки оҕолору көрөр-истэр эмчиттэр хамаандалара үлэлээтэ. Маны таһынан, стоматолог уонна психонарколог быраастар хамаандалара тэриллибиттэрэ. 35151 киһи эмчиттэр чинчийиилэригэр хабыллыбыт, онтон 13403 оҕо”, — диэн СӨ Доруобуйа харыстабылын министиэристибэтэ иһитиннэрэр.
Дьон доруобуйатын харыстыырга туһуламмыт эрдэттэн үлэҕэ эмчиттэр эмиэ үгүс өрүттээх үлэни ыыталлар. Ол курдук, 2024 сылга 378 лиэксийэни аахпыттар, онно 9994 киһи хабыллыбыт. Онтон Арктика 13 эрэгийиэниттэн — 3873 оскуолаҕа киириэн иннинээҕи кырачаан уонна оскуола үөрэнээччитэ. Маны таһынан, чөл олоххо туһуламмыт уонна куһаҕан кыдьыгы сэрэтиигэ 89 викторина уонна интерактивнай оонньууга 2241 үөрэнээччи кытынна. Чөл олоҕу тутуһуу тиэмэтигэр иһитиннэрэр социальнай ситимнэргэ уонна “Саха” НКИХ “Эйгэ”, “Быһа эпиир”, “Саҥа күн” уо.да. тэлэбиидэнньэ биэриилэригэр өрөспүүбүлүкэтээҕи медицинскэй-социальнай сайдыы киинин быраастара кыттыыны ыллылар.
Санатан эттэххэ, Айсен Николаев көҕүлээһининэн ыытыллыбыт “Өрөспүүбүлүкэтээҕи көһө сылдьар эмчиттэр биригээдэлэрэ” бырайыак 2023 сыл олунньутуттан үлэҕэ киирбитэ. Элбэх хайысхалаах мобильнай хамаандалар бөлөхтөрүгэр ыраах сирдэргэ суох анал исписэлиис быраастар киирэллэр.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…