Былырыыҥҥытааҕар быйыл 3,5% элбэх үүт соҕотуопкаламмыт

СӨ Ил Дархана Айсен Николаев «Саха сирэ, иннин диэки!» биэрии кэмигэр оттооһун, үүт соҕотуопкатын боппуруоһугар тохтоото.

Былырыыҥҥытааҕар быйыл 3,5 % элбэх үүт соҕотуопкаламмытын чопчулаата. Үбүлээһиҥҥэ суолта ууруллубутун түмүгэр оройуоннарга 68 % субсидия ыытыллыбыт.

Ону тэҥэ сааскы халаантан эмсэҕэлээбит Нам уонна Өлүөхүмэ улуустарыгар үүт харчытын 80 бырыһыанын ыыппыттар.

Ил Дархан оттооһун былаана туоларыгар эрэнэр. Оттооһуну көҕүлүүр туһуттан илин эҥээр улуустары түмэн, сүбэ мунньах ыыппыт. Маннык мунньаҕы Бүлүү умнаһыгар ыытар былаан баарын эттэ. Оттооһуҥҥа кыһалҕа Өлүөхүмэҕэ ойуур баһаардарынан сибээстээн үөскүөн сөп эбит.