Бүлүү бөлөх улуустарыгар ардах түһэрин күүһүрдүөхтэрэ

Бүлүү бөлөх улуустарыгар зондировщик-сөмөлүөт үлэлиир. Бу туһунан бэҕэһээ, атырдьах ыйын 11 күнүгэр,  Саха сиринээҕи Быыһыыр сулууспа начаалынньыгын солбуйааччы Вадим Шадрин ЫБМ хамыыһыйатын мунньаҕар иһитиннэрбитэ.

«Күнү-дьылы кэтээн көрөбүт. Мииринэй улууһугар бэнидиэнньиккэ ардах түһэрэ уонна былыттаах буолара күүтүллэр, оптуорунньука — Бүлүү бөлөх улуустарыгар, бу сыалга ардах түһэрин күүһүрдэргэ зондировщик-сөмөлүөтү үлэлэтэри былаанныыбыт»,– диир Вадим Шадрин.

Бэҕэһээ ойуур баһаарын умуруорууга  Бе-200 амфибия-сөмөлүөт Сунтаар улууһугар туһаныллыбыта. Авиациянан патрульга 13 салгын суудуната тахсыбыта, оттон ойуур баһаарын умуруорууга — алта.