«Бүлүү Боотура» турнир кыттааччылара билиннилэр

Бэс ыйын 14-15 күннэригэр Бүлүү улууһун «Ытык Бүлүү алгыстаах ыһыаҕа» үбүлүөйдээх ыһыаҕар «Бүлүү Боотура» төрүт многоборьеҕа күрэхтэһии барыллаан кыттааччылара билиннилэр.

Бирииһин уопсай суумата биир мөлүйүөн солкуобай ууруллан, өтөрүнэн буолбатах улахан тыҥааһыннаах, илин былдьаһыылаах күрэс буолара күүтүллэр. Күрэхтэһии ыытыллар киэбэ «Дыгын оонньууларыгар» атылыы буолуоҕа — ыстаҥа, оҕунан ытыы, сүүрүү, мас тардыһыы, тутум эргиир, хапсаҕай уонна таас көтөҕөн хаамыы. Муҥутуур күүстээх-уохтаах, сымса-быһый эр бэрдэ 500 000 солкуобайынан наҕараадаланыаҕа. Иккис буолбут бөҕөскө— 300 тыһ солк., үһүскэ — 200 тыһ солк.туттарыахтара.

Турнир дойдуга Дьиэ кэргэн, Саха сиригэр Оҕо саас, Бүлүү улууһугар Степан Аржаков сылыгар уонна Бүлүү куорат 390 сааһыгар ананар.

🔹Леонид Филиппов (Амма);

🔹Айсен Ботуев (Үөһээ Бүлүү);

🔹Айсен Семенов (Өлөөн);

🔹Тимофей Большаков (Сунтаар);

🔹Петр Прудецкий (Үөһээ Дьааҥы);

🔹Василий Захаров (Амма);

🔹Александр Пшенников (Өлүөхүмэ);

🔸Карбаканов Кундул (Бүлүү);

🔸Спиридонов Конон (Бүлүү);

🔸Атаманов Эдуард (Бүлүү);

🔸Алексеев Александр (Бүлүү);

🔸Протопопов Сергей (Бүлүү);

🔸Нифонов Альберт (Бүлүү);

🔸Никифоров Айал (Бүлүү);

🔸Уваров Антон (Бүлүү).

«Бүлуу Боотура» турнирга кыттарга сайаапкалары бэс ыйын 13 күнүгэр диэри ылаллар диэн Бүлүү улууһун дьаһалтатын пресс-сулууспата иһитиннэрэр.