Бүлүү Дьөккөнүгэр 3 саастаах оҕо сүппүт

Бүлүү оройуонун ЕДДС сулууспатыгар  3 саастаах оҕо сүппүтүн туһунан иһитиннэрии балаҕан ыйын 6 күнүгэр түүн 2 чааска 25 мүнүүтэҕэ киирбит. Бу туһунан Саха сиринээҕи Быыһыыр сулууспа ТГ-ханаалыгар иһитиннэрдилэр.

Эр киһи киэһэ 20.30 чаас саҕана  2021 с.т. уола олорор дьиэтин тиэргэниттэн сүппүтүн туһунан тыллаата. Сүппүтоҕону тута ИДьМ 9 үлэһитэ, олохтоох нэһилиэнньэ 50 киһитэ көрдүү тахсыбыттар. Бу сарсыарда 6.00 чааска нэһилиэнньэлээх пуун кыраныыссатынан квадрокоптерынан көрдөөтүлэр, дьиэлэринэн кэрийэ сылдьан көрдүлэр. Эбэ уонна Сайылык чугастааҕы күөллэр кытылларын кводрицклларынан сылдьан чинчийдилэр. 8.00 чаас туругунан сокуоннай сааһын ситэ илик оҕону бул иликтэр, көрдүүр үлэлэр салгыы ыытыллаллар.

Бүгүн сарсыарда Дьокуускайтан 9:00 чааска Саха сирин быыһыыр сулууспатын 6 быыһааччыта айаннаатылар. Көрдүүр үлэлэргэ Үөһээ Бүлүү кэллиэһин 10 волонтера кыттыстылар.