Бүлүү эбэ кытылын ыраастаатылар

Бүлүү эбэ күнүн көрсө СӨ Экологияны кэтээн көрүүгэ кэмитиэтин уонна Ньурба куорат дьаһалтатын үлэһиттэрэ Нюрбинка үрэҕин уонна Бүлүү өрүс кытылларын ыраастыыр субуотунньугу ыыттылар.

Субуотунньук түмүгэр элбэх улахан бөх-сыыс хомулунна. Сааскы халаан уутуттан, быйыл чуолаан Нюрбинка кытылыгар бөх-сыыс элбэх мустубут.

Ыраастыыр тэрээһиҥҥэ барыта 200 киһи кытынна, элбэх бөх хомуллан полигоҥҥа тиэлиннэ диэн СӨ Экологияҕа министиэристибэтин пресс-сулууспата иһитиннэрэр.