Ааптар хаартыскаларга түһэриитэ
Ситэриилээх былаас уорганын Үөһээ Бүлүү улууһугар үлэлиир СӨ Тырааныспар уонна суол хаһаайыстыбатын миниистирэ Владимир Сивцев салайааччылаах бастакы бөлөҕө Мэйик нэһилиэгэр бүгүҥҥү үлэтин түмүктээтэ.
Мэйик нэһилиэгэ улуус кииниттэн 85 көс хоту сытар. Нэһилиэнньэтин ахсаана 606 киһи. Нэһилиэккэ элбэх хайысханы толорор кииҥҥэ оскуола уонна кулууп кыттыһан олороллор. Оскуола дьиэтэ эргэрэн, самнан, көтүрүллэн, билигин 60-н тахса оҕо кииҥҥэ кыбыллан үөрэнэр. Онон мэйиктэр улахан кыһалҕаларынан оскуола тутуута буолар.
50 миэстэлээх оҕо уһуйаана соторутааҕыта хапытаалынай өрөмүөнэ оҥоһуллан бүтэн үлэлии турар.
Бэлиэтээн эттэххэ, СӨ Бырабыыталыстыбатын отчуоттуур бөлөҕүн састаабыгар улуус баһылыга, тустаах управлениелар салайааччылара уонна улуус борокуруора кытыннылар.
Орто оскуола иитэр үлэҕэ дириэктэри солбуйааччыта Николай Анисимович Саввинов бастакынан Мэйиккэ Орто Түҥтэн гаас кэлиэ дуо диэн ыйытта. Миниистир «Сахатранснефтегаз» тэрилтэ Орто Түҥ гаастаах сиртэн магистральнай турбаны тардан, 11 нэһилиэккэ тарҕатар бырайыага оҥоһулла сылдьарын, харчы онно көрүллүбүтүн эттэ.
Сир боппуруоһун исписэлииһэ Вячеслав Романович Федотов сир-уот барыта дулҕанан үүммүтүн, оттуур ходуһа суоҕун эттэ. Отчуоттуур бөлөх салайааччыта ону Мелиорация управлениетыгар тириэрдиэх буолла.
Мэйик нэһилиэгин олохтооҕо Зинаида Семеновна Бускарова мин өссө оҕо эрдэхпиттэн саҥа оскуола тутуллуутун туруорсабыт, хаһан быһаарыллыай диэн ыйытта. Сыл аайы отчуокка туруорсалларын, ол гынан баран боппуруос оннуттан хамсаабатын эттилэр. Онуоха Үп министиэристибэтин миниистирин солбуйааччы Татьяна Лебедева бырайыактыыр-сметалыыр докумуоҥҥут суох диэн эппиэттээтэ. Ол гынан баран нэһилиэк орто оскуолатын дириэктэрэ Иванов Анатолий Анатольевич эппитинэн, эрдэ оҥоһуллубут докумуон баара, чопчу ханнык таһымҥа быһаарылла сылдьара биллибэтин ыйда.
Мэйик нэһилиэгин бочуоттаах олохтооҕо, оскуола учуутала, кыраайы үөрэтээччи Владимир Афанасьевич Федоров нэһилиэк устуоруйатын, киэн туттар дьонун ахтан туран, саҥа оскуола тутуутун, аатырбыт тустуук В.И.Степанов-Буучугурас бүүһүн үбүлээһини туруоруста. Оробуочай бөлөх тустаах министиэристибэтэ боппуруоһу быһаарсыах буолла.
Нэһилиэк дьаһалтатын тыа хаһаайыстыбатыгар исписэлииһэ Иванов Анатолий Николаевич баһаары утары диэн ааттаан зондировщик сөмөлүөт ардаҕы түһэрэрэ бу эҥэргэ охсуулаах, кыайан оттообот кыһалҕатын үөскэтэрин эттэ. Оттон олохтоох ОДьХ маастара Догуев Тихон Петрович теплотрасса тардыллыытыгар КРСТ бырагырааматынан кыттыгас үбүлээһининэн көмөлөһөллөрүгэр көрдөстө.
Нэһилиэк олохтооҕо Март Афанасьевич Яковлев бөҕү хомуйууга төлөбүр олус ыараханын, аны алаастарга, нэһилиэктэргэ киирэр аартыктар маһынан үүнэн хааланнар эмиэ кыһалҕаны үөскэтэллэрин,
Бөҕү хомуйуу хомунаалынай хаһаайыстыбаҕа саҥа киирбит нуорма дьаһала буолар диэн, Олох-дьаһах хаһаайыстыбатын министиэристибэтин Коммунальнай комплексын департаменын салайааччытын солбуйааччы Саргылаана Степанова иһитиннэрдэ.
Екатерина Мартовна Спиридонова: «Мин элбэх оҕолоох ийэбин. Киһи ахсаанынан төлөбүрү ааҕыынан, миэхэ 9 тыһ. солк. квитанция кэлэр. Хомуллубат үлэҕэ тоҕо төлүөхтээхпитий?», — диэн сытыы боппуруоһу туруорда. Ити боппуруоһу улуус баһылыга Владимир Поскачин бөҕү хомуйааччы операторы кытары быһаарсыах буолла. Онтон Үөһээ Бүлүү улууһун борокуруора Николай Николаевич Слепцов сокуонунан ити боппуруос хайдах быһаарыллыан сөбүн сиһилии кэпсээтэ.
Екатерина Мартовна иккис боппуруоһунан өртөөһүн буолла. Онуоха улуус баһылыга Үөһээ Бүлүүгэ научнай уопут, эспэримиэн быһыытынан, бары быраабыланы тутуһан быйыл өртөөһүнү ыытыахтара диэн быһаарда.
Туой Хайаттан көһөрүллүбүт, онтон ыла дойдута суох сылдьан баран Мэйиккэ 50-ча сыл олорбут Федотова Джемма Иннокентьевна өрөспүүбүлүкэҕэ урукку кэмнэргэ көрүллэр чэпчэтиилэр, урукку көһөрүү бырагырааматынан дьиэ уонна нэһилиэккэ фекальнай массыына көрүллүө дуо диэн туруоруста. Маныаха тус бэйэтигэр сыһыаннаах боппуруоһунан мунньах кэнниттэн көрсөн кэпсэтэргэ эттилэр. Онтон фекальнай массыынаны улуус иһинэн быһаарыллыан сөбүн бэлиэтээтилэр.
Бүлүү өрүһү туоруур муоста быйыл күһүҥҥүттэн саҕаланыа диэн тырааныспар миниистирэ эппитин, олохтоохтор дохсун ытыс тыаһынан арыаллаатылар.
Мэйиктэр сэргэх сэһэннээх, чопчу этиилээх дьон буолан биэрдилэр.
Быйыл оҕо сайыҥҥы лааҕырдарыгар суруйтарыы ыам ыйын 15 күнүттэн Судаарыстыбаннай өҥө порталынан саҕаламмыта. Босхо путевкаттан маппыт,…
Оҕо көмүскэлин аан дойдутааҕы күнүн чэрчитинэн, өрөспүүбүлүкэҕэ бэс ыйын 3-9 күннэригэр Оҕо доруобуйатын харыстабылын нэдиэлэтэ…
Бэс ыйыгар Үрүҥ Айыы чугаһаан, Айыы аартыга арыллар. Айыы аартыгын бата алгыс көтөҕүллэр. Сиэри ситэриллэн,…
Ытыктабыллаах Саха сирин олохтоохторо! Ис сүрэхпиттэн Оҕо көмүскэлин күнүнэн эҕэрдэлиибин! Бу биһиги кэнчээри ыччаппытыгар, үүнэр…
Сулустар тугу билгэлииллэрий? Хой Улахан дьыаланы барытын эбиэккэ диэри бүтэрэр ордук. Киэһэтин доҕоттору кытта сынньанар…
Бу күннэргэ күн-дьыл туруга хайдаҕый? Ардах түһэр дуо? Төһө тыаллааҕый? Күнү-дьылы кэтээн көрөөччүлэр туох дииллэрий?…