Хаартыска Дмитрий Садовников ТГ-ханаалыттан
Бэҕэһээ Бүлүү өрүскэ муус харан, уу таһыма үрдээн ыксаллаах быһыы-майгы эрэсиимэ олохтоммута. Харыы тахсыбыт сиринэн мууһу дэлби тэптэрбиттэрэ.
Бэҕэһээҥи дэлби тэптэрии көдьүүһү биэрбэккэ, Ньурба улууһугар бүгүн иккистээн ыытыллыахтара диэн СӨ Бырабыыталыстыбатын Бэрэссэдээтэлин бастакы солбуйааччыта Дмитрий Садовников иһитиннэрэр.
Марха өрүс төрдүттэн аллараа уонна Сата арыытын аттыгар муус харан турар. Марха өрүс уҥа кытылыгар Дьаархан сэлиэнньэтигэр уу таһыма үрдээн иһэр.
«КЧС мунньаҕар эппиттэрин курдук, 7 дьиэ уонна 2 хотон ууга бардылар. Уу ылыан сөптөөх сиригэр оскуола, оҕо уһуйаана, 15 дьиэ бааллар. Билиҥҥи туругунан, 26 киһи аймахатрынан көстүлэр. 100 миэстэлээх Быстах кэмҥэ олорор пуун бэлэм. Хатыҥ Сыһыыга барар суолу уу суурайда. Бүлүү өрүскэ уу таһыма таһыма үрдээн Ньурба уонна Антоновка ууга барар кутталлаахтар. Дэлби тэптэрэр бөлөх билигин улуус киинигэр баар. Бүгүн сарсыарда 7 чааска «Полярные авиалинии» Ми-8 бөртөлүөтэ эбии дэлби тэптэрэр сириэстибэни илдьэ көттө. Мууһу иккистээн дэлби тэптэрии көдьүүстээх буолуо», — диэн Дмитрий Садовников санаатын үллэстэр.
2023 сыллаахха сэтинньи 23 күнүгэр Ил Дархан Айсен Николаев өрөспүүбүлүкэ олоҥхоһуттарыгар, оһуохайдьыттарыгар уонна тимир уустарыгар…
Оройуоннааҕы борокуратууралар ирдэбиллэринэн, Саха сиригэр элбэх кыбартыыралаах дьиэлэргэ эрэгийиэн операторыгар өрөмүөн үлэтин ыытарга эбээһинэстиир туһунан…
Бүгүн Байыаннай дьайыы бэтэрээннэрин күнэ. Саха сирин улуустарыгар бу бэлиэ күнүнэн араас сылларга байыаннай дьайыыларга,…
Дьокуускайга тутулла турар Арктикатааҕы эпос, ускуустуба киинэ Саха сиригэр баар Олоҥхо дьиэлэрин сүрүннүүр киин буолуоҕа. …
От ыйа сайын үгэнэ, сайын оройо. Аан Алахчын хотун Ийэбит ыйа хайдах буолуой? Бэс ыйын…
Удачнай куорат борокуратуурата анаммыт накаастабыл кээмэйэ кыратынан сибээстээн, суут уурааҕын апелляция бэрээдэгинэн үҥүстэ. Ол уурааҕынан,…