СӨ Тырааныспарга уонна суол хаһаайыстыбатын министиэристибэтэ
Сааскы халаан кэмигэр Бүлүү өрүскэ уу таһыма үрдээн, А-331 «Бүлүү» федеральнай трасса суолун учаастактарыгар уустуктары үөскэппит.
Ол курдук, халаан уута федеральнай суолу хас да сиринэн быһыттаабыт (660+500 – 661+050 км, 661+750 – 663+300 км уонна 665+000 – 665+047 км), ол иһигэр паром тохтуур зонатын. Итинэн сибээстээн, сааскы халаан уута биэтэктэн тахсан, салгыы айанныырга мэһэйдэри үөскэппит.
«Автодор» АХ бэдэрээттэһэр тэрилтэтэ кэккэ тэрээһиннэри ыытан, суолу бөҕөргөтүү үлэтин ыыппыт. Суукканы быһа кэтээн көрүү тэрээһиннэрэ ыытыллаллар. 8 анал тиэхиньикэ тардылынна. Бүлүү өрүс хаҥас кытылыгар паром причала «Саханефтегазсбыт» АХ сапыраапкатын ыстаансыйатын аттыгар көһөрүлүннэ. Билигин үс паром үлэлиир. Бастакы паром сарсыарда 06:00 чаастан үлэлиир. Бүтэһик паром массыына бүтүөр диэри сылдьар.
«Бу хайысханан куттала суох буолууну хааччыйар сыалтан айан-сырыыттан туттунаргытыгар көрдөһөбүт», — диэн СӨ Тырааныспарга уонна суол хаһаайыстыбатын министиэристибэтэ иһитиннэрэр.
Уу эбийиэктэригэр буруйу оҥорууну уонна быһылааны тахсыытын сэрэтэр, туоратар сыалтан, барыбыттан болҕомтолоох буолуу ирдэнэр. Уу эбийиэктэригэр куттал суох буолуута – биһиги барыбыт уопсай эппиэтинэспит. Бэйэбит уонна чугас дьоммут олохторун, доруобуйаларын харыстыыр туһугар, бары ирдэбиллэри тутуһан, сэрэхтээх буолуоҕуҥ! Этэҥҥэ сылдьыҥ!
Беларусь Өрөспүүбүлүкэтин Минскэй куоратыгар олунньу 20-22 күннэригэр үс төгүллээх олимпийскай чөмпүйүөн Александр Медведь бирииһигэр көҥүл…
Ленскэй оройуонугар биир киһи «ВАЗ-2121» массыынаны алдьатан, холуобунай дьыалаҕа эрилиннэ. Бу туһунан ИДьМ пресс-сулууспата иһитиннэрдэ. …
80 саастарын ааспыт кырдьаҕастары, эбэтэр, 1 группалаах инбэлииттэри көрөн-харайан олорор кэм биэнсийэҕэ страховой ыстаас быһыытынан…
Нам улууһугар олунньу 15 күнүгэр СӨ хапсаҕайга федерациятын президенэ Николай Румянцев бирииһигэр республикатааҕы «Эҥсиэли хапсаҕайа»…
Өрөспүүбүлүкэҕэ “Саха сирэ – дьоруойдар дойдулара” каадыр бырагыраматын олоххо киллэрии бара турар. Барыл кыттыылаахтара өрөспүүбүлүкэ…
Хапкааҥҥа атаҕыттан хаптарбыт бэдэри "Халыма" федеральнай суолугар Чурапчы уонна Мэҥэ Хаҥалас улуустарын икки ардыгар суоппардар…