Хаартыска: Саха сиринээҕи Быыһыыр сулууспатын пресс-сулууспата
Ыам ыйын 30 күнүгэр Үөһээ Бүлүүтээҕи ЕДДС сулууспатыгар 45 саастаах эр киһи сураҕа суох сүппүтүн туһунан иһитиннэрии киирбит.
Силиэстийэ быһаарыытынан, ыам ыйын 28 күнүгэр киэһэ 21:00 чааска эр киһи биир идэлээхтэрин кытта көрсүһэ дьиэтиттэн тахсан барбыт. Ыам ыйын 29 күнүн түүнүгэр кини биир кэллиэгэтин дьиэтигэр илдьэн биэрбит, ол кэнниттэн сибээскэ тахсыбат буолбут.
Бу туһунан Саха сиринээҕи Быыһыыр сулууспатын пресс-сулууспата суруйар. Эр киһи «Toyota Probox» мааркалаах массыынанан сылдьыбыт. Көрдүүр үлэлэр туох да түмүгү аҕалбатахтар. Кэлин Бүлүү өрүскэ ньиэп тохтубута бэлиэтэммитин булбуттар. Ол кэннэ эр киһи масыынатын кытта ууга түспүтэ буолуо диэн уорбалааһын үөскээбит.
Бэс ыйын 2 күнүгэр көрдүүр үлэлэргэ Саха сиринээҕи Быыһыыр сулууспатын водолазтара кыттыбыттар. Бэс ыйын 3 күнүгэр Бүлүү өрүһү чинчийии түмүгэр ууга түспүт массыына көстүбүт. Массыына иһигэр сүппүт эр киһи өлүгэ булуллубут.
“СӨ сыл иитээччитэ-2025” идэ күөн күрэһин II түһүмэҕин иитинэн 15 лауреат маастар-кылаастарын көрдөрүлэр уонна брифиҥҥэ…
Саха сирин биир оройуонугар суут быһаарыытынан, 32 саастаах эр киһи суол саахалын түмүгэр тахсыбыт материальнай…
Алдан өрүскэ сааскы халаан иккис долгуна ааһарынан, уу таһыма эмискэ үрдээтэ. Икки нэһилиэнньэлээх пууҥҥа уһаайбалар…
Бэҕэһээ, бэс ыйын 4 күнүгэр, 22:30 чааска 112 нүөмэргэ эрийэн, Өлүөнэ өрүскэ Төхтүр сэлиэнньэтин диэки…
Ааспыт сууккаҕа Саха сиригэр тоҕус буруйу оҥоруу буолбутун туһунан СӨ Борокуратуурата иһитиннэрэр. Уус Алдан улууһун…
Аныгы хаһаайкалар саха төрүт аһын бэлэмнииллэрин сөбүлүүллэр. Судургу, ол гынан баран, өҥүрүк куйааска сүрэҕи-быары сөрүүкэтэр…