Хаартыска: Тускулаана ГОРОХОВА-КОБЕЛЬЯНОВА түһэриитэ
Өрүскэ киһи арааһы булар. Үксүн блесна, тимир оҥоһуктар ону кытта манньыат арааһын булуохха сɵп. Бу күннэргэ Сунтаарга Бүлүү ɵрүстэн эдэр ыаллар Мария, Андрей Андреевтар балыктыы сылдьан ааспыт үйэтээҕи манньыаты булбуттар.
1931 сыллаахха оҥоһуллубут алтан 3 кэппиэйкэ ɵҥүн-дьүһүнүн сүтэрбэтэх. Киэһэ үлэ чааһын кэннэ эдэр ыаллар ɵрүскэ дьаарбайа, балыктыы ɵрүскэ түспүттэр, ол сылдьан Андрей ууга туох эрэ күлүмүрдүүрүн кɵрɵн, хостоон таһаарбыта алтан харчы эбит, киниэхэ эрэ кɵстɵɵрү анаан сыппыт курдук. Үйэ кэриҥэ саастаах алтан харчы хайдах маннык ɵр ɵҥүн-дьүһүнүн сүтэрбэккэ, тимирэн хаалбакка сытара дьикти. Хаһан эрэ ким эрэ ууга бырахпыт, ол эбэтэр алҕаска түһэрбит кэппиэйкэтэ буолуо ээ…
Бу манньыат суолтатын, сыанатын нумизмат-бонист Дмитрий Ивановка кɵрдɵрдүбүт. «Бэрт сэдэх харчы, үс сыыппара сахаларга чугас, булбуккут үчүгэй. Билигин бу харчы сыаната анал кинигэҕэ кɵрдɵххɵ, 40.000-60.000 солк. тэҥнэһэр», — диэн билиитин үллэһиннэ. Андреевтар бу алтан булумньуну — соргу бэлиэтэ диэн билгэлииллэр. Кинилэр билигин улахан маҕаһыын тутта сылдьалларыгар бэйэтэ саргылаах үлэни кэрэһэлиир хоруй курдук буолла.
1931 сыллаах манньыаты булуу үс суолталаах, онтон биирдэстэрэ ɵбүгэлэр алгыстара. Оннук буоллун!
Тускулаана ГОРОХОВА-КОБЕЛЬЯНОВА
Учуутал - дьоҥҥо-сэргэҕэ киэҥник биллэр, ытыктанар киһи. Учуутал диэн тылга дириҥ өйдөбүл, сырдык санаа, таптал,…
Чурапчы улууһун Болтоҥо нэһилиэгин “Утум” социальнай коммерческайа суох тэрилтэтэ уонна Н.Д. Субуруускай аатынан Болтоҥо орто…
Чурапчы улууһун олохтооҕо "Тойота Пробокс" массыынаны атыылыыр туһунан биллэрии таһаарбыт. Кини атыылаһааччытыгар 90 тыһыынчаны эрдэ…
Саха омуга былыр-былыргыттан, үйэлэри уҥуордаан, илдьэ кэлбит үтүө үгэстэрдээх, баай култууралаах, сиэрдээх-майгылаах норуот буолар. Ол…
Бэҕэһээ, алтынньы 3 күнүгэр, "Лена" федеральнай суолга "Тойота Приус" уонна ПАЗ оптуобус харсыспыттар. Ол курдук…
Арҕаа дойдулар тыллара-өстөрө кырыыланан, хааччахтарын күүһүрдэн, бэйэлэрин сэриилэрин сэбин саҥардан, сайыннаран иһэллэр. Онон дойду көмүскэлигэр…