Хаартыска: Тускулаана ГОРОХОВА-КОБЕЛЬЯНОВА түһэриитэ
Өрүскэ киһи арааһы булар. Үксүн блесна, тимир оҥоһуктар ону кытта манньыат арааһын булуохха сɵп. Бу күннэргэ Сунтаарга Бүлүү ɵрүстэн эдэр ыаллар Мария, Андрей Андреевтар балыктыы сылдьан ааспыт үйэтээҕи манньыаты булбуттар.
1931 сыллаахха оҥоһуллубут алтан 3 кэппиэйкэ ɵҥүн-дьүһүнүн сүтэрбэтэх. Киэһэ үлэ чааһын кэннэ эдэр ыаллар ɵрүскэ дьаарбайа, балыктыы ɵрүскэ түспүттэр, ол сылдьан Андрей ууга туох эрэ күлүмүрдүүрүн кɵрɵн, хостоон таһаарбыта алтан харчы эбит, киниэхэ эрэ кɵстɵɵрү анаан сыппыт курдук. Үйэ кэриҥэ саастаах алтан харчы хайдах маннык ɵр ɵҥүн-дьүһүнүн сүтэрбэккэ, тимирэн хаалбакка сытара дьикти. Хаһан эрэ ким эрэ ууга бырахпыт, ол эбэтэр алҕаска түһэрбит кэппиэйкэтэ буолуо ээ…
Бу манньыат суолтатын, сыанатын нумизмат-бонист Дмитрий Ивановка кɵрдɵрдүбүт. «Бэрт сэдэх харчы, үс сыыппара сахаларга чугас, булбуккут үчүгэй. Билигин бу харчы сыаната анал кинигэҕэ кɵрдɵххɵ, 40.000-60.000 солк. тэҥнэһэр», — диэн билиитин үллэһиннэ. Андреевтар бу алтан булумньуну — соргу бэлиэтэ диэн билгэлииллэр. Кинилэр билигин улахан маҕаһыын тутта сылдьалларыгар бэйэтэ саргылаах үлэни кэрэһэлиир хоруй курдук буолла.
1931 сыллаах манньыаты булуу үс суолталаах, онтон биирдэстэрэ ɵбүгэлэр алгыстара. Оннук буоллун!
Тускулаана ГОРОХОВА-КОБЕЛЬЯНОВА
Суруналыыстары кытта көрсүһүүтүгэр Евгений Григорьев мээр дуоһунаһыгар салгыы үлэлиир былааннааҕын туһунан иһитиннэрдэ. Ол эбэтэр быыбарга…
Аҕыйах сылтан бэттэх саҥа дьыллааҕы баата оонньуурдары оҥорор киһи элбээтэ. Баататтан оҥоһуллубут Моруос оҕонньоттору, Хаарчааналары…
Бүгүн, ахсынньы 18 күнүгэр, Дьокуускай куорат оскуолаларын үөрэнээччилэригэр актированнай күн биллэрилиннэ. Бу туһунан Дьокуускай куорат…
ОСАГО (автогражданскай эппиэтинэс булгуччулаах страхованиета) тарыыптарыгар уларытыылары киллэрбиттэрэ. Саҥа полиһы хайдах оҥотторор, туох докумуоннар ирдэнэллэрин…
Бүгүн, ахсынньы 18 күнүгэр, Саха сирин сорох улуустарыгар -20 кыраадыс буолара күүтүллэр диэн УГМС иһитиннэрэр.…
«Саханефтегазсбыт» АУо 2025 сылга ыраах сытар, сылы эргиччи суола-ииһэ суох, автозаправочнай (АЗС) уонна контейнернай автозаправочнай…