«Бүлүү» федеральнай суолга хас да киһи эчэйиилээх суол быһылаана таҕыста

Ахсынньы 7 күнүгэр «Бүлүү» федеральнай суолга хас да киһи эчэйиилээх суол быһылаана таҕыста. Бу туһунан СӨ Борокуратуурата иһитиннэрдэ.

Туһааннаах саахалынан   Горнай оройуонун борокуратуурата  бэрэбиэркэ ыытта. Ол курдук,  204 килэмиэтиргэ суол быһылаана тахсан,  7 киһи, ол иһигэр үс оҕо  балыыһаҕа киирдэ.

Доруобуйа харыстабылын министиэристибэтэ иһитиннэрбитинэн,  эмсэҕэлээбит дьон Горнайдааҕы киин балыыһа  хирургическай  отделениетыгар киллэриллибиттэр. Икки оҕо туруга ыарахан.