«Бүлүү» федеральнай суолга хас да киһи эчэйиилээх суол быһылаана таҕыста

Ааспыт сууккаҕа өрөспүүбүлүкэҕэ буруйу оҥоруу аҕыс түбэлтэтэ бэлиэтэммит.  Борокуратуура буруйу оҥорууларынан процессуальнай бэрэбиэркэлэри уонна холуобунай дьыалалары хонтуруолга тутар.

Нерюнгри куоракка дистанционнай түөкүттэр биэнсийэлээх дьахтартан 40 тыһ. солк. уорбуттар. Туһааннаах түбэлтэнэн РФ Холуобунай кодексын 159 ыст. 2 чааһынан холуобунай дьыала көбүтүлүннэ.

Мииринэй оройуонугар «Бүлүү» федеральнай суол  1234 км 1967 сыллаах төрүөх «Lada» суоппара утары балаһаҕа тахсан,   «Shacman» массыынаны кытары харсыспыт. Ол түмүгэр «Lada» суоппара уонна  1982 уонна 2003 сыллаах төрүөх пассажирдара араас эчэйиини ылан балыыһаҕа киирбиттэр.