Бүлүү Хаҕыныгар — Сылгыһыкка анаммыт пааматынньык

Бүлүү улууһун Хаҕын нэһилиэгэр араас  пааматынньык үгүс.

Олохтоох дьаһалта баһылыгынан үлэлиир кэмигэр Оксана Еремеева 2010 сыллаахха Улуу Кыайыы иннинэ Сылгыһыт пааматынньыгын Бүлүү улууһун аатырбыт тимир ууһугар Николай Степановка сакаастаан оҥотторбут.

— Сэрии  ыарахан сылларыгар 100 биэттэн 99 кулуну ылбыт аатырбыт сылгыһыттар бааллара. Кинилэргэ уонна араас сылларга тахсыылаахтык үлэлээбит нэһилиэкпит бастыҥ дьонун  ааттарын үйэтитэр искибиэрбитигэр сылгыһыттар хаартыскалара, ааттара-суоллара, туох ситиһиилээхтэрэ суруллубут сэргэлэр элбээн иһиэхтэрэ«, — диэн бэлиэтээтэ Оксана Христофоровна.

Ити курдук, Бүлүү Хаҕыныгар Үлэ киһитигэр  Сылгыһыкка анаммыт пааматынньык — үгүс нэһилиэк баһылыгар бастыҥ холобур.