Бүлүү, Халыма суолларыгар таһаҕас уйуга үрдэтилиннэ

“Бүлүү” уонна “Халыма” федеральнай суолларга өрүһү туоруур тиэхиньикэлэргэ таһаҕастарын уйуга үрдэтиллибитин туһунан  “Бүлүү” Упрдор иһитиннэрдэ.

Ол эбэтэр бу “Бүлүү” массыына суолугар  Бүлүү өрүһү туоруур 660-с килэмиэтиргэ (Үөһээ Бүлүү), 807-с килэмиэтиргэ (Күндээдэ), 956-с килэмиэтиргэ (Устье) уонна  1049-с килэмиэтиргэ (Кириэстээх),  ону сэргэ “Халыма” айан суолугар 365-с килэмиэтиргэ Мэҥэ Алдаҥҥа Хаандыгаттан Алдан өрүс нөҥүө суолга сыһыаннаах.

Массыына суолугар куттала суох буолууну хааччыйарга уонна өрүһү туоруур суоллары харыстыырга көҥүллэммит уйугу аһардыбаттарыгар уонна суол бэлиэлэрин кытаанахтык тутуһалларыгар  сүбэлииллэр.

СӨ Ил Дарханын уонна бырабыыталыстыбатын пресс-сулууспата