видеоттан скрин
Үөһээ Бүлүү оройуонугар Бүлүү эбэ хаҥас өттүгэр сытар нэһилиэнньэлээх пууннары гаастааһын 2026 сыллаахха саҕаланыаҕа. Бу туһунан “Прямой разговор” биэриигэ олунньу 19 күнүгэр Ил Дархан Айсен Николаев иһитиннэрдэ.
Тамалакаан сэлиэнньэтин оройуонугар туорааһын тутуллуоҕа, онтон магистральнай гаас ситимэ Үөһээ Бүлүү улууһунан Оҥхой сэлиэнньэтиттэн Ньурба оройуонугар тардыллыаҕа.
“Хоро сэлиэнньэтэ магистральнай гаас ситимин тутуу бастакы түһүмэҕэр гаастаныаҕа, ону 2026 сылтан 2029 сылга диэри олоххо киллэриэхтэрэ”, — диэтэ Айсен Николаев тэлэбиисэринэн көрөөччү ыйытыытыгар.
Бастакы түһүмэххэ Тамалакаантан Дүллүкүгэ диэри 32 км уһуннаах магистральнай гаас турбатын тутуу, Дүллүкүгэ тиэрдии, бөһүөлэктэр икки ардыларынааҕы гаас утахтарын Хомустаах, Хоро сэлиэнньэлэригэр тириэрдии, бөһүөлэк иһинээҕи ситимнэри Дүллүкүгэ, Хомустаахха, Хороҕо тиэрдии көрүллэр.
Гаас инфраструктуратын эбийиэктэрин тутуу 2026 сылтан 2031 сылга диэри кэмҥэ былааннанар. 2025 сыллаахха Орто Түҥнээҕи ГКМ – Тамалакаан магистральнай гаас ситимин бырайыактааһын уонна Үөһээ Бүлүү улууһун уон нэһилиэнньэлээх пууннарыгар бөһүөлэк иһинээҕи гаас ситимин тардыы бырайыага-симиэтэтэ торумнанар.
Саха Өрөспүүбүлүкэтин Ил Дарханын уонна Бырабыыталыстыбатын пресс-сулууспата
Ахсынньы 7 күнүгэр Оһуокай куоракка олорор Бүлүү улууһун олохтоохторугар ананна. Куоракка олорор Бүлүү улууһуттан төрүттээх…
Дьүөгэм, Үп министерствотыгар таһаарыылаахтык үлэлээбит Анна Романовна Винокурова бочуоттаах сынньалаҥҥа олорор. Бу күннэргэ Дубайга олорор…
Аныгы сайдыылаах үйэбитигэр өрөспүүбүлүкэбит хайа да муннугар аны хаалыылаах, түҥкэтэх сир диэн суох. Бээ, бу…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Амма улууһун Соморсун нэһилиэгэр үлэһит тырахтарыыс уолаттар, эр дьон баар буоланнар, дэриэбинэ олоҕо күөстүү оргуйар.…
"Амма" эрэгийиэннээҕи айан суолун 93-94 км учаастагар билигин да күөлтэн уу киирэ турар. "СУ-77" тэрилтэ…