«Бүлүү хапсаҕайа» күрэхтэһии чөмпүйүөнэ ким буолла?

Бүлүү куоратын 390 сыллаах үбүлүөйүгэр аналлаах тэрээһиннэртэн биир саамай күүтүүлээх  өрөспүүбүлүкэтээҕи «Бүлүүү хапсаҕайа» күрэхтэһиитэ түмүктэннэ. Быйылгы “Бүлүү хапсаҕайа” балаҕан ыйын 6-8 күннэригэр ыытылынна. 

Күрэхтэһиигэ улуустарынан алта хамаанда кытынна: Чурапчы, Мэҥэ Хаҥалас, Үөһээ Бүлүү, Ньурба уонна Бүлүү икки хамаандата.

Хас биирдии хамаанда кыайыыга эрэллээх кытынна. Көрөөччүлэр улуустар бөҕөстөрүн дьиҥнээх тыҥааһыннаах, иэйиилээх уонна умсугутуулаах түгэннэрин көрөн олус дуоһуйдулар. Күрэхтэһиигэ чахчы умнуллубат түгэн буолла. Тыҥааһыннаах киирсии түмүгүнэн кыайыылаахтар маннык билиннилэр:

• 1 миэстэ — Бүлүү улууһун бастакы хамаандата;
• 2 миэстэ — Үөһээ Бүлүү улууһун хамаандата;
• 3 миэстэ — Чурапчы улууһун хамаандата.

Ордук успуорт сэҥэрээччилэрин долгуппут «Аан Дархан» аатын иһин киирсии түгэнэ буолла.Бу манна финалга кыайыылаах тахсыбыт Чурапчы улууһун бөҕөһө 85 киилэҕэ диэри ыйааһыҥҥа Дьулустаан Калачев  «Аан Дархан» аатын сүктэ.

Видео, хаартыска: улуус дьаһалтатын пресс-сулууспата