Балаҕан ыйын 8 күнүгэр Бүлүү куоратын 390 сылыгар аналлаах үбүлүөйдээх дьаһалларын чэрчитинэн Бубякин аатынан уулуссаҕа саҥа кыбартыыралар күлүүстэрин туттарыы тэрээһинэ буолла.
Бу туһунан улуус дьаһалтатын пресс-сулууспата суруйар. «Саахалланар уонна хаарбах дьиэлэртэн көһөрүү» федеральнай бырагырааманан тутуллубут элбэх кыбартыыралаах икки дьиэ үөрүүлээх аһыллыытыгар СӨ Бырабыыталыстыбатын бэрэссэдээтэлин солбуйааччы Георгий Степанов, Ил Түмэн Бэрэссэдээтэлин бастакы солбуйааччы Афанасий Владимиров, Бүлүү улууһун баһылыга Сергей Винокуров, оройуон Сэбиэтин бэрэссэдээтэлэ Гаврил Корякин, Бүлүү куорат баһылыга Ян Попов кытыннылар.
Саҥа хаһаайыттары бу үөрүүлээх түгэнинэн салайааччылар эҕэрдэлээтилэр. Саҥа дьиэ олохтоохторо Бүлүү куоракка эрэ буолбакка, бүтүн өрөспүүбүлүкэ олохтоохторун олоҕун хаачыстыбатын тупсарыыга бу бырагыраама олоххо киириитэ сүдү суолталааҕын бэлиэтээтилэр.
6 кыбартыыралаах дьиэ бэдэрээччитэ — «Сигма» ХЭУо. Тэрилтэ салайааччыта Семен Степанов дьиэ күлүүһүн Бүлүү улуһуун баһылыгар Сергей Винокуровка туттарда. Оттон 8 кыбартыыралаах дьиэ бэдэрэччитэ «Промстроймонтаж» ХЭУо салайааччыта Андрей Арбыкин дьиэ күлүүһүн Бүлүү куорат баһылыгар Ян Поповка туттарда.
Бу тутуллубут саҥа дьиэлэр олоҕу-дьаһаҕы тупсарыахтара уонна куттал суох буолуутун хааччыйыахтара, итини кытта Бүлүү куорат социальнай инфраструктуратын сайыннарыыга көмөлөһүөҕэ. «Хаһаайыттары барыларын олох саҥа түһүмэҕинэн эҕэрдэлиибит уонна дьолу-соргуну, доруобуйаны баҕарабыт!, — диэн эҕэрдэлээтилэр.
Бүгүн Чурапчы улууһун бары олохтоохторо, эдэриттэн эмэнигэр тиийэ улаханнык курутуйан туран Чурапчы көһөрүллүүтүн Кэриэстэбил күнүн…
2025 сыл тохсунньу 1 күнүттэн үлэлиир биэнсийэлээхтэргэ страховой биэнсийэни индексациялааһын туһунан саҥа сокуон олоххо киирэр.…
Саха Өрөспүүбүлүкэтин Судаарыстыбаннаһын күнүн көрсө балаҕан ыйын 24 күнүгэр 19:00 чаастан Ил Дархан Айсен Николаевы…
Балаҕан ыйын 18 күнүттэн Сбербааҥҥа чэпчэтиилээх ипотеканы биэрэр бырагыраама тохтотулунна диэн баан пресс-сулууспата иһитиннэрдэ. Тоҕо?…
Бэҕэһээ, балаҕан ыйын 18 күнүгэр, киэһэ 19:15 чааска 112 нүөмэргэ Нерюнгри оройуонугар баар Энергетик диэн…
Николай Ате режиссердаах "Тимир" уонна Михаил Лукачевскай "Кыталыктаах кырдалым" киинэлэрэ Германияҕа ыытыллар Schlingel диэн норуоттар…