Бүлүү куорат дьаһалтатыттан оҕону ыт ытырбытынан моральнай хоромньу толуйуу ирдэннэ

Бүлүү улууһун борокуратуурата оҕо доруобуйатыгар буорту оҥоһуллубут чахчытынан бэрэбиэркэни ыытта. Бу туһунан СӨ Борокуратуурата иһитиннэрэр.

Силиэстийэҕэ быһаарыллыбытынан, бу сыл ыам ыйын 5 күнүгэр Бүлүү куоракка оскуола территориятыгар 11 саастаах уолга бэйдиэ сылдьар ыт саба түһэн, этин-сиинин эчэппит.

Оҕо эчэйиитэ дьаһалта бэйдиэ сылдьар кыыллары тутар эбээһинэһин ситэ толорботоҕуттан, ону таһынан оскуола үлэһиттэрэ үөрэх тэрилтэтин территориятыгар сөптөөх хонтуруолу ыыппатахтарыттан тахсыбыт. Онон сибээстээн, борокуруор ирдэбилинэн куорат дьаһалтатыттан уонна оскуолаттан уопсайа 20 тыһ. солк. кээмэйдээх моральнай хоромньу толуйуута ирдэннэ. Суут быһаарыыта сокуоннай күүһүгэр киирэ илик.